Marka hore waxa aanu salaan u soo gudbinaynaa dhamaan bahwaynta reer Allaybaday ee ku bahawday horumarinta waxbarashada Deegaankooda, salaan kadib waxa aan maanta halkan idiinku soo gudbin doonaa warbixin kusahabsan shirkaasi aanu Macalimiinta la yeelanay iyo waxyaabihii aanu ka wada hadalay,

Ugu horayn waxa aanu macalimiintaasi uga xogwaranay sobobta Xafiiskii Guud ee Hargaysa in loo raray Xarunta degmada Allaybaday sababta oo ah dardar galinta waxbarashada iyo Xogogaal in  loo noqdo baahiyaha ka jira dhamaan iskuulada Degmada, waxaanu u sheegnay macalimiintaasi in aanu ka guddi ahaan aroor walba aanu kormeer kusoo marnayno iskuulada Degmada isiiba kuwa Alllaybaday maadaama oo aynu nahay dad meel wada jooga waxna ukala qarsoonayn, waxa kale oo aanu Maamulada Iskuuladaasi ugu sheegnay Macalimiintii hortooda in aanu macalinka waajibkiisa sida ay tahay uga soo bixi waaya aanu talaabo cad  ka qaadi doono, taasi oo aanu u sheegnay haddii markii hore Maamuladu idiin xilqarin jireen aan maanta wixii ka danbeeya aan la isku xilqarin doonin ee uu wax ka dhigi doono iskuulada Macalinkii si fiican xilkiisa u guta oo kali ya ihi. taasi oo dhamaan macalimiintii shirkaasi fadhiday ay ku qanceen in talaabadaasi laga qaado macalinkii gaabis noda.

Waxa kale oo aanu halkan idiinku soo gudbinaynaa baahida ka jirta Dugsiga H/Dhexe ee Sh Axmed Qaalib kaasi oo ay ka jirto baahiyo isku jira burbur u baahan dhisme iyo dhisme laba galaas oo u baahan in lagu soo biiriyo, taasi oo ay ardayda qaar hada dibada wax ku bartaan ayna laga ma maarmaan tahay in laba  fasal la iska kaashado siddii loogu biirin lahaa Dugsiga, sobobtoo ah waxa jirta in ay ardayda sanadkan kusoo biirtay iskuulku ay aad u badan tahay taasi oo ay isugu jirto ardaydii fasalka koowaad ee sanadka oo la qoray 2 fasal iyo Haayada NRC oo iyana qortay 2 galaas oo mid 35 arday ah  markaasi guud ahaan ardayda sanadka kusoo biirtay Dugsiga SH. Axmed Qaalib waa 4 fasal oo ulo ah, balse labada ay qortay NRC Macalimiintooda iyagaa gunada siinaya.

Hadaba sidaasi awgeed waxa Dugsiga Sh Axmed Qaalib looga baahan yahay in lagu soo biiriyo laba macalim ugu yaraan.

Sobobtoo ah tirada fasalada oo ka batay macalimiintii hore u joogtay, Macalimiintii hore u joogay iskuulku waa 9 macalin tirada Fasaladuna waa 13 fasal markaasi waxa halkaa ka muuqda isku dheeli tir la’aan.

La soco warbixinta labaad ee Dugsiga H/Dhexe ee Alfurqaan Allaybaday. .

Salaan ka timid 

Gudida UHWA Guud ee Xarunta Degmada ALLAYBADAY 

Mohamud Yussuf Cige, Gudoomiye

Fosiya Aw Ciise, G/Xigeen.

Mohamed Haashi, Xoghaye