Wakhtigan xaalada waxbarashada ee Degmadu waxa ay maraysaa meel fiican taasi oo aan odhan karno intii  ay UHWA gacanta ku haysay waxbarashada degamada waxa ay waxbarashada Degmadu ku talaabsatay horumar fiican kaasi oo aan maalinba maalinta ka danbaysa qaadaya talaabo horumar leh taasina loo nisbayn karo dadka  maalka faraha badan u huray in ay dadkooda iyo deegaankoodba ku caawiyaan si ay uga saaraan jahliga.

Hadaba iyada oo ay sidaasi tahay waxa baryan danbe dhacda in ay dib u dhac ku yimaado gunooyinkii Maclimiinta loosoo diri jiray taasi oo ay Jaaliyadaha qaarkood caajis ka muuqdo taasina ay saamayn wayn ku yeelanayso habsami usocodka hanaanka waxbarasho ee guud ahaan iskuulada degmada, iyada oo ay tahay in aad loogu dadaalo in aan dib looga soo noqon horumarkan lagu talaabsaday oo ay wax u dhimi karto habsanka ku imanaya lacagaha gunooyinka ah ee loosoo diraayo macalimiinta, waayo waxa jirta in ay macaliinta Degmada aanay intooda badan aanay ka gunaysnayn Wasaarada Waxbarashada ( inga 10 jeer ayaa wasaaradau balanqaaday, waxba kamay suura gelin, waan laga quustay ) isla markaana aan ardayda wax lacaga laga qaadin, lacagta ay macalimiintu qaadataana ay tahay mid aan kaafiyi karin baahiyaha macalinka iyada oo wakhtigan uu caalamka ka jiro sixir barar ku yimid maceeshadii .

Hadaba waxa aan waraysiyo kala yeeshay macalimiinta degmada qaar ka mid ah sida ay u arkaan habsanka gunada loosoo diro iyo qiimo dhaca ku yimid lacagta ay qaataan waxayna ii sheegeen in boqolkiiba 40% qiimo dhac ku yimid lacagtii ay qaadanayeen oo ayna u goynaynn wixii ay hore ugu gayn jirtay, waxayna iigu yidhaahdeen taasi waxa waliba noosii raacday lacagtii oo naga habsaantahay, waxa kale oo aan ku idhi maxaad usoo jeedin lahaydeen Jaaliyadaha gacanta ku haya waxbarashada degmada islamarkaana idiinsoo dira lacagta gunada ah? Waxayna yidhaahdeen runtii marka hore waanu u mahadnaqaynaa guud ahaan jaaliyahaasi gacanta ku haya waxbarashada Degmada, marlabaad aad ayaanu uga xunahay habsanka ku yimid gunada naloosoo diro iyada oo ay bishani ahayd bishii ay dhacday habsankii ugu dheeraa ee ku yimaada gunadii iyada oo waliba ciid kusoo hagaagtay ayna ahayd  in aanu qaadano ciida ka hor. balse aanu qaadanay gunadii bishii hore ee september bishan october 15keedii  taasi oo badhkaayo bilaa qureec ku yimid iskuulkii markii ay meheradihii magaaladu ay is yidhaahdeen waxba looma soo dirayo kadib markii ay dayn  badan nagu yeesheen ama aaminiwaayeen , hadaba waxa aanu jaaliyadaha usoo jeedinaynaa in ay ku dadaalaan in ay ilaaliyaan wakhtiga ay soo dirayaan lacagta gunooyinka ah intaasi ayay hadalkoodii kusoo koobeen macalimiintaasi.

Waxa kale oo aan wax ka waydiiyay dib u dhacaa ku yimid gunooyinka macaliinta Guddida UHWA ee Allaybaday, waxayna iigu jawaabeen waxa aanu u aragnaa arin adag oo culayskeeda leh, waxa kale oo aan waydiiyay maxaad u malaynaysaan habkana in ay usobob yihiin? Waxayna iigu jawaabeen waxa aanu anigu u malaynaynaa in ay usobob yihiin isbadalkii  lagu sameeyay Guddida. 

Faallo:

Hadaba waxa jirta in ay Macalinka mooraalkiisu fiicnaanayo marka si wanaagsan gunada loosiiyo, si fiicana loola xisaabtami karo balse wax imanaaya mooraal xumo marka wakhtigu iska adag yahay gunadiina habsan ku yimaado hadaba waxa aan talo kusoo  jeedin lahaa in la dardargaliyo hawlaha waxbarashada si aynu uga salgaadhno himaladeena oo imikaba meel fiican maraysa, balse aad moodo in  jaaliyadaha qaarkood caajiseen taasina ay ku tusi karto iyada oo wakhtiyada qaar aanay jaaliyudu soo dirin lacagihii gunada ahaa sida ka muuqata shaxda jaaliyadaha bixiya lacagta taasi oo jaaliyaha qaar kood dhawr bilood isku gaadheen taasina ay keentay sidda aan ku arkay email groupka in lasoo jeediyo in dib loo isticmaalo lacagtii loogu talagalay Dugsiga sare in boarding loogu dhisaayay oo aad moodo in aad loola habsamay wakhtigan iyada oo ardayda dugsiga sare ay wakhtigan heerkoodu maraayo galaaskii saddexdaad ee dugsiga sare,

Taasi oo sidda shaxda ka muuqata jaaliyada Finland mooyaane aanay jirin jaaliyad wali soo dirta lacagtaasi boardinka jaaliyadaasi oo lacagtoodu ku jirto Accountka guud ee UHWA ee Dahabshiil.

Hadaba waxa aan odhan lahaa waa in aynu ku dadaalaa sidii lacagta macalimiinta wakhtigeeda loogu soo diri lahaa, tii Boardingkana siddii uu qorshuhu ahaaba ay jaaliyaduhu kusoo dadaalaan siddii ay usoo diri lahaayeen sidda Jaaliyada Finland oo kale.

Waxa aan waraysi indiinka soo diri doonaa Dugsiga sare  iyo Xaaladiisa Waxbarashoba.

Maanta Bishu waa 24.October, walina Jaaliyada soo dirtay lacagtii bishan October ma arag.

Dhamaantiin waa la idin wado sugayaa.