1.S. Gudoomiye wax aaad ka warantaa xaalada degmada ?

  J.  xaalada guud ee degmadu aad bay u fiicantahay xaga nabadgalyo iyo xag waxbarasho. 

2.S. gudoomiye waxaad noooga warantaa wax yaabaha qabsoomay mudada aad xilka haysid

J. Runtii waxyaabo badan ayaa qabsoomay , waxaana ka mid ah : ceelkii dameero boob oo ay wasaarada macdanta iyo biyuhu noogu deeqaday Engine wayn oo biyaha soo tuura waxa kale oo iyana hirgalay in ceel labaad laga qodo meel aan ceelkii hore ka fogayn  oo qarka Ethopia ah taas oo aan filayo in xaga biyaha  dadka deegaanku ayna ka cabandoonin,

Xaga xoolahana waxaa noo suuragashay in lagu soo biiriyay xanaanadii hore ee xoolaha qayb cusub oo xoolaha lagu talaalo, waxa kale oo aanu rajaynaynaa in la dhiso HALL GROUND lagu xanaaneeyo xoolaha taasi oo aanu ku wareejinay dhulkii laga dhisayay hall ground kaa wasaarada xanaada xoolaha ee JSL.

Xaga caafimaadka ma leh dhakhtar laakiin waxay leedahay M.C.H kaasi oo ay maamulka D/Hoose ee degmadu gacanta ku hayn jiray laakiin ay imika la wareegtay hayada bisha cas oo ay gacanta ku hayso maamulka  mch kaa iyo bixinta musharka shaqaalaha.

Waxa  kale oo ay bisha cas ka furatay degmada xafiisyo cusub kuwaasi oo aanu maamul ahaan ugu deeqnay kana shaqeeya magaalooyinka  ku soo dhadhaw Allaybaday kuwaasi oo ay ka mid yihiin Wajaale iyo Farawayne.

Waxa kale oo noo suuragashay in aanu xarunta D/Hoose  dayr wayn u samayno iyo in xafiis cusub ku soo biirino.  Waxa kale oo aanu howl gal ka samaynay wadadii u dhaxaysay Allaybaday iyo Hargaysa oo aanu jirnay 22kgm, waxaana noo suura gashay in aanu ku darno mashruuca balaadhan ee GNA ee lagu samaynayo wadooyinka JSL ayaa lagu daray hagaajinta wadan.

Waxa kale oo qorshaha sanadkan noogu jaray in aanu samayno 4 saldhig rugeed oo aanu u kala qorshaynay in aanu ka dhisno toolooyinka kala  Xidhinta, Taysa ,Geed abeera, iyo Waadi xoor, oo aanu bilownay tii u horaysay oo ah Taysa . 

3.S. Gudoomiye waxaad nooga warantaa xaga beeraha ? 

    J. Horta waxaa  wax lagu farxo ah sida ay degmadeenu wax soo saarka caan ugu noqotay taasi oo in badan oo khudaarta  ka soo go’da loo iib geeyo suuqyo badan, hadaba waxaa noo suura gashay in aanu keeno degmada haayad wadaniya oo la yidhaahdo ADO taasi oo waxyaabaha ay qabatay ay ka midyihiin in ay dadka u qoday 300 oo saacadood , 15 Engine iyo 1000 mitir oo tuunbooyina  iyo  siidhis waxa kale  oo  ay u siiyaan siminaaro  aqoon korodhsi ah. 

 

 

4.S. Gudoomiye waxaynu la soconaa in ay masiibo ka dhacday degmada  ilaa hadana aanay helin dadku wax caawimo ah, markaasi howshaasi caawimadu halkay maraysaa? 

J. Haa runtii roobabkii mahiigaanada ahaa ee da’ay 14/04/2007 waxa ay keeneen khasaare balaadhan kaasi oo ay waxyeeleeyeen in ka badan 77 harood iyo 261 higtar oo dhulbeereed ah, hadaba  ka maamul ahaan waxaanu galanay dadaalk wayn oo aanu qaylo dhaan ugu gudbinay  haayadaha caalamiga ah iyo kuwa dowliga ahba   waxaanu u soo jeedinay dhinaca degmada Allaybaday si ay indhahooda ugu arkaan wixii ka dhacay deegaanka. Waxayna ka bixiyeen haayadahaasi jawaab ka farxisay dadkii deegaan Allaybaday. 

5.S.Gudoomiye waxaad ka dhawaajisay in ay ka soo baxday jawaab dadka ka farxisay,  markasi taasi waa maxay maadaama oo ayna muuqan wax talaabo ah? 

J.way jirtaa  talaabooyin la qaaday waxaana ka mid ah howl galkan  aniga iyo haayadii fulinaysay aanu u wada socono  taasi oo 15/05/2007  haayadaasi ay bilaabi doonto hawsha, howshaasi oo ay ugu horayn doonto xidhida dhaamamkii jabay  waxa kale oo dadka loo qaybin doonaa dhamaan agabkii beeraha ee daadku qaaday oo ay ka mid yihiin water pumps, seeds kii  iyo tuunbooyinkii, waxa kale oo iyana la qaban doonaa in haraha la dhoobo qaado markay dhamaadaan. 

6.S.Gudoomiye maxaad u soo jeedin lahayb  jaaliyada dibada  ee degmada ka soo jeeda? 

J. Marka hore waxa aad iga gudoontaan salaan dhamaantiin anigu aad iyo aad ayaan idiinku amaanayaan sida mutadawacnimadaleh  ee wadaninimadu ku dheehantahay  ee aad degmadiina u soo xasuusateen gaar ahaan xaga waxbarashada oo runtii maraysa meel fiican amaanteeda iyo wanaageedaba aad idinku iska leedihiin waxaan idin leeyahay dadaalkiina halkaa ka sii wada ilahay ha idinku garab galee.

Aniga ka Gudoomiye ahaan waxaan idinka codsanayaa in aad masiibadan dhacadayna ka qayb qaadataan  waayo cid waliba cida ay tabayso ayay u qaylo dhaan u dirataaye ana waxaan idiin soo jeedinyaa in aad kaga qayb qaadataan hal sheewal ah si loogu aaso  jeex jeexyada iyo laagaha ka dilaacay magaalada  waxaanan idiin soo jeediyaa mahadnaq  balaan 

Wariye:ISMAIL ABDI MUXUMED (Hilqad)

DEGMADA ALLLAYBADAY , SOMALILAND

Telefon: + 2522357702

Email: hilqadm@hotmail.com