Waxa aan maanta booqasho ku tagay dugsiga sare ee Allaybaday wakhtigaasi aan dugsiga tagay oo ahayd wakhti hore oo subaxnimo ah oo ay ardaydu ay safka ku jireen sida caadaada u ah dugsiyada,halkaasi oo ay ardayda khudbad uga jeedinayay Maamulaha dugsigu , khudbadaasi oo dhinacyo badan taabanaysay waxa uu Maamuluhu aad ugu dheeraaday Displineka iyo akhlaaqiyaadka toosan ee ardayga looga baahan yahay iyo waxbarashadu faa’idada ay leedahay,waxaana hadaldiisii kamid ahaa  isaga oo akhlaaqda ka hadlaayay ayuu yidhi akhlaaqdu waa dariiqo kugu hagta shaqsiyan in aad noqoto qof adeeca oo nidaam leh ardaygana waxa  looga baahan yahay in uu noqdo arday nidaam leh oo lagaga daydo akhlaaqiyaadka wanaagsan aanu ka duwanaado inanka suuqa jooga oo ay ka muuqato ardaynimo,sidoo kale mar uu ka hadlaayay iskuulka waxa uu sheegay in uu iskuulku  leeyahay hiigsiyo iyo himilooyin u dajisan oo lagu gaadhi karo in la raaco sharciyada iyo qawaaniinta u dajisan Dugsiga, waxa kale oo uu ardayda u sheegay oo yidhi dhamaanteen waxa aan iskuulkan ka rajaynaynaa  natoojooyin wanaagsan, waxaanu sheegay in uu iskuulku yahay dariiqda idiin suuragalinaysa in aad gaadhaan himilooyinkiina,  waxa kale uu Maamuluhu ka hadlay faa’idada waxbarashadu leedahay isaga oo sheegay  in ay waxbarashadu tahay shayga kaliya ee lagu kala horeeyo , sidoo kale waxa uu ardayda ku boriyay in ay ku dadaalaan waxbarashada isaga oo yidhi maanta idinku waxa aad haysataan fursad qaaliya oo aanay hore u helin ladadkii idinka horeeyay.intaasi kadib waxa aan Maamulaha Dugsiga waraysi kula yeeshay xafiiskiisa waraysigaasina waxa uu u dhacay sidan:

S. Maamule marka hore waxa aad warbixin iga siisaan Xaalada Guud ee Dugsiga?

J. Runtii xaalada Dugsiga sare meel fiican ayay maraysaa haddii ay tahay dhinac waxbarasho iyo jawiga guud ee Dugsiguba.

S.Imisa Macalin ayaad ku dhigtaan Dugsiga wakhtigan?

J. Waxa aanu ku dhignaa Dugsiga 5 Macalin oo kala ah sidan:

1,  Maxamed Aadan Daauud( Maamule)

2. C/raxiim Axmed C/laahi

3. Maxamuud Xasan Maxamed

4. Siciid mawlid Iiman

5. Maxamed C/raxmaan

S. Maamule Waxa jirta in Iskuulada Degmada Qoorkood ay Wakhtigan yihiin kuwa ardayda lacag laga qaado markaasi Adigu waxa lacag ah maad ka qaadaa Ardayda? 

J. Maya runtii anagu arday wax lacag ah kama qaadno habayaraatee ee waa bilaa lacag Dugsigu,oo imika waxaaba jira arday dugsiyadii sare ee ay Hargaysa ka dhiganayeen dib uga soo badashay markii ay arkeen Iskuulkan ay Magaaladoodii yeelatay islamarkaana bilaashka ah sidda fiicana wax loogu dhigaayo.

S. Waxa sanad dugiyeedkan uu iskuulku yeeshay dhisme ugaar ah markaasi waxa aad kawarantaa isbadalkaasi dugsiga iyo waliba xaaladiisa waxbarasho ee xiligan?

J. Xaalada waxbarasho ee dugsigu meel fiican ayay maraysaa wakhtigan, takale haa oo waa runtaa oo sanad dugsiyeedkan wuu ka duwan yahay kii hore oo waxa uu dugsigu yeeshay  dhisme ugaar ah waxa kale oo soo kordhay fasal cusub iyo waliba Macalimiin cusub oo aanu iskuulka kusoo kordhinay,taasi oo maanta ay iskuulka joogaan Macalimiin ku filan, waxbarashaduna waxa ay Dugsiga uga socotaa  sifiican sidda imikaba kaaga muuqata iskuulka.siddoo kale ardaydu waxa ay maalin kasta qaataan 6 xiisadood iyada oo aanu raacayno Manhajka u dajisan Wasaarada Waxbarashada JSL.

S. Waxa aad kawarantaa baahiyaha Dugsiga ka jira xiligan?

J. Haddii aan kawaramo baahiyaha ka jira Dugsiga way badan yihiin waxayna kala yihiin sidan:

1. iskuulku malaha wax biyo ah taangi ama barkad toona.

2. Dugsigu malaha wax laydh ah taasina waxay dhaxalsiisay in aan lagu baran Computeradii loo keenay ardayda si loo baro.

3. Iskuulku waxa uu u baahan yahay oo kale Lab iyo Libarary

Kolay baahiya Iskuulku way badan yihiin balse inta u mihiimsani waa intaasi.

S. Maamule Maxaad usoo jeedin lahayd UHWA oo aad ogtahay in ay Gacanta ku hayso Iskuulada Degmada?

J. Marka hore waxa aan usoo jeedinayaa Salaan qaaliya, Marlabaad waxa aan usoo jeedinayaa Hambalyo iyo Bogaadin aan ku bogaadinaayo hawsha waxa ku oolka ah ee ay ka hayaan Dalkooda, Deegaankooda iyo Degmadoodba, waxaanan leeyahay Hakadaalin Hawshaasi aad haysaan ee halkaasi kasii wada, Dhamaan aniga oo ku hadlaayaa ardayda, macalamiinta iyo waalida waxaanu Hanbalyo weyn u soo diraan xubnaha joogta ah ee UHWA.

Warbixino kala ayaan idiinka hayaa

Madarasada Alfurqaan iyo Dugsiga Hoose ee Waadi-Xoor