Xaalada waxbarasho ee Dugsiga Degmada Allaybaday ugu weynaa, ayaa baryahan danbe aad iyo aad u liidata, qabtii weynayd ee ahayd fasal kowaad iyo 6 ayaad ayaa la xidhay sabab la xidhiidha dayactar lahaan haysay mudo 2 sanno ah, ardaydii maalinba maalinta ka daybaysa ka sii tagaa dugsiga, sababo la xidhiidha dhismaha dumaaya, macalimiinta oo yar, lacag laga qaado arday, bilaa cunto, habada waxaan waraysi la yeeshay maamulaha dugsiga Alfurqaan Allaybaday Mr. Ahmed Abdi XIRSI.

Wuxuuna u dhacay sidan:

S. Maamule Marka hore waxa aad ka warantaa xaalada Madarasada iyo sidda ay tahay xiligan?

J. Xaalada Madarasadu way fiican tahay marka aan xaga waxbarashada ka hadlo balse xaga dhismaheedu ma fiicno oo galaasyo ayaanu uga soo guurnay markii aanu ka baqanay in ay ardayda ku dumaan, markaa waxaanu wax dhiganaa oo qudhaata 3 fasal oo uu xafiisku ku jiro.

S. Imisa Macalin baad ku dhigtaan Madarasada?

J. Waxa aanu ku dhignaa  5 macalin kuwaasi oo kala ah sidan:

1. Axmed Aadan xirsi, Maamule

2. Maxamed Xasan Caydiid

3. Axmed muuse Cabdale( axmed ciisood)

4. C/xakiin Muxumed Xaashi

5. Maxamed Cabdi yuusuf

S. Madarasada Magalin uun baad dhigtaan mise labada galinba waad dhigtaan?

J. Labada galinba waanu dhignaa  oo galinka danbena anaga uun baa soo noqona, waxaa jirtay qayb dadwaaweyn oo hada aanu xidhnay waayo, dhismo ayaan jirin.

S. Ardayda lacag maad ka qaadaan mise waa bilaash Madarasadu?

J. Ardayda lacag waanu ka qaadnaa, waxaan ka qaadnaa 5 000 ilaa 10 00 SL Shilings, lacagtaa oo la siiyo 3 macalin ee aan qurbo joogto waxba siin, mida kale sixirbarbara xun ayaa dhacay oo $ 50 waxba uma tarayaan macalin shaqayn labada gelinbta, Anagu hadii aanu nahay ardayda, macalimiinta iyo waalida madarasada waxaanu qabnaa in loo kale eexday Ardaydii Degmada, taas oo ula jeeda, in macalin 3 sacadood shaqeeya la siiyo $ 200 dollar, ka shaqeeya 12 sacadood $ 50 dollar la siiyaa, waa arin farsamo xumo ku timid, jecel nahay in UHWA Worldwide saxo. waxaan tallo ahaan ku soo jeedin lahaa waa in la simaa macalimiinta wax ka dhiga 3 dugsi ee magaalada Allaybaday ku yaala.

S. Maamule Tirada Ardaydu waa imisa sanadkan?

J. Tirada ardaydu waa 170 wiil iyo  65 gabdhood, waa tiro aad iyo aad u yar, waana markii ugu horeyse ee sidaa u dhacaan, waxaana ugu wacan, dhismo la,aan, macalimiinta oo yar iyo lacagta aanu ka qaadno ardayda, taas oo aanu rabno in aanu ka dayno waa hadii UHWA guno joogta ah ka helaano.

S. Maamule madarasada waxa ka muuqda Burbur farabadan oo qaybtii hore ee madarasadu sidda aad hore u sheegtay waa ay dumaysaa  waxaana jirtay lacag loo ururiyay Madarasada si loogu dhiso markaa arintaasi dhismaha maxaad kala socotaa?

J, Runtii qaybtii hore ee Madarasada ee loogu hor dhisay oo aan sida qaybtaasi aan jaajuur ahayn waa ay dumaysaa oo balse qorshahaasi dhismaha waan maqlay in lacag loo ururiyay balse ma ogi halka ay marayso wakhtigan, qolada Hargeisa ayaan ka sugaanay in ay noo sheega wakhtiga la bilaabo, se mudo dheerba waxba kamaanu maqal, emailka ayuunbaanu ku arag in lacag loo ururiyay, se wax intaa ka badan lama arag, se hadii aan hada wax laga qaban oo aan la isla gaashaan, caruurtaas meel ay wax ku dhigtaan ma jirto, waxaan soo socda wakhti jilaal ah oo aanay caruurta dibada fadhin karin, Markaa Qurbo jooga iyo qolada Gudahaba waa la sugaaa.

S. Baahiyaha ugu wayne ee haysta Madarasada maxaa ka mid ah?

J. Baahiyaha Madarasadu waa ay badan yihiin balse hadana way kala mudan yihiin waxaana ka mid ah kuwa ugu daran

1. Qaylo dhaan: 6 fasal oo xidhan, ardaydii dibada ay fadhiistaan, hadii aan wax laga qaban in aanu madarasada xidhno ayay noqo.

2. Macalimiin yaraan. ugu yaraan waa in lagu kordhiyaa 4 macalin 

3, kuraas yaraan oo iyana jirta

4. Buugaagta Englishda iyo Somaaliga oo aanu iyana u baahan nahay. 

5. Cuntada la siiyo Ardayda kale Degmada in caruurteean Madarasada loo raadiyo.

S. Ugu danbayntii maxaad usoo jeedin lahayd  Jaaliyadaha ku hawlan horumarinta Waxbarashada Degmada?

J. Jaaliyadaha waxa aan usoo jeedinayaa marka aniga oo ku hadlaaya magaca ardayda, macalimiinta iyo waalida waxaanu leenahay aad iyo aad ayad u mahadsantihiin, dariq fiican ayaan bilowdeen, in wax la saxo mooyi wa in aan dib loo noqon, duruufo adag ayaa dibada iyo gudahaba ka jira, markaa wixii aad qabateen waxweyn ayuu ka taray Degmada Allaybaday, wado tashi badan iyo wado shaqayn badan ayaana wax lagu sixi karaa, marka xigta in ay kordhiyaan dadaalkooda ay dadkooda iyo deegaankooda ay ku horumarinayaan in ay isku duubnaadaan oo ay iska ilaaliyaan wixii turaanturo ku ah hawlaha wax ku oolka ah ee ay hayaan  iyo in ay xoojiyaan tixgaliyaana Madarasada, waxa kale oo aan usoo jeedinayaa in ay iyana tixgaliyaan oo ay hoos u eegaan baahiyaasi Madarasada.