Waxa aan kormeer ku tagay Dugsiga  Waadi-Xoor aan u kuurgalay intii aan joogay Iskuulkaasi sidda ay waxbarashadu uga socoto,Iskuulkani waxa uu  ka mid yahay  Dugsiyada ay UHWA aasaastay kaasi oo aan odhan karo waxa uu sameeyay horumar balaadhan, taasi oo ay ardaydu dhigato labada galinba, hadaba waraysi ayaan la yeeshay maamulaha dugsigaasi waxaanu u dhacay siddan:- 

S.Maamule Marka hore waxa aad guud ahaan kawarantaa xaalada Iskuula iyo sidda ay tahay?

J. Xaalada Iskuulku xaga waxbarashada aad ayay u fiican tahay oo waxbarashadii waxa ay usocotaa siddii loogu talagalay, balse waxa ay dhib naga haystaa xaga dhismaha oo ay ardaydii qaar badani laayihiin meel ay wax ku dhigtaan, iyo taandhada uu iskuulka ka dhisan yahay oo iyana imika aan fiicnayn oo gabowday, waa taandho loogu tallo galay 1 sanno, oo maraasa sanadkii 3 aaad. 

S.Imisa Macalinbaad ku dhigtaan Dugsiga?

J.Waxa aanu ku dhignaa 2 macalin oo kala ah

1. Mustafe Ismaaciil Muxumed, Maamule

2. Maxamed Cali Axmed

S. Ardayda Lacag maad ka qaadaan mise Iskuulku waa bilaash? 

J, Ardayda lacag waanu ka qaadnaa walow ayna badnayn oo waxa aanu ka qaadnaa 5000 shiling, waxaana bilow intii sixir bararka xumi dhacay, hadii gunada yar ee lasiiyo lanoo kordhiyo, arday waxba ka qaadi mayno, $ 50 waxba nooma taray, mida kale macalinka dheeraad ayaan wax ka siinaa lacagta aan arday ka qaadno

S.Tirada Ardaydu waa imisa ? 

J, Tirada ardaydu waa 161 arday ay 50 hablo yihiin. 

S. Ardaydu ma galinbay dhigtaan mise labada galinba waad dhigtaan? 

J. Labada galinba waanu dhignaa oo galinka danbe waxa naga caawisa NRCDA oo 70 arday oo gender balance ah kusoo biirisay iskuulaka oo 35 waa gabdho 35 waa wiilal.

S. Ma isleedahay haddii aad ardayda lacagtaasi ka dayn lahaydeen ardaydu intan waa ay ka badan lahaayeen?

J. waa suuragal balse imikaba waxa jirta in aanu arday meel u waynay waayo waxa isku dhexdhigta 3 fasal oo kala ah 1,2,3, saddexdaa fasal way isku dhexdhigtaan.

S. Dugsigu fasalkeebuu ku joogaa ama waa ilaa heerkee? 

J. Iskuulku waxa uu ku joogaa fasalka 4 aad. 

S.Ka Maamul ahaan ma kala hadasheen Haayada NRC in ay dhisme Iskuulka kusoo kordhiso maadaama oo uu Iskuulkii iyo ardaydii kala bateen?

J. Haa wayna naga aqbaleen oo waxa ay yidhaahdeen markii horeba waa ay noo qorshaysnayd markaasi sidda ay ii sheegeen dhawaan ayaa la dhisayaa 4 fasal. 

S. Maadaama oo aad laba macalintihiin Fasaladuna ay yihiin 4 fasal inkasoo aad ii sheegtay in ay saddex ka mid ahi isku dhexdhigtaan  dhib intee leeg ayaad ku qabtaan ka macalimiin ahaan?

J. Koloy Macalinimada lafteedaaba iska hawl badan anan waanu kasii xag jirnaa oo waxa kala badan ardayda iyo macalimiinta oo 4 fasal iyo 2 macalin waad arki kartaa faraqa u dhaxeeya iyada oo haddii dhismahasi lagu soo biiriyana ay hubaal tahay in ay ardaydu kasoo badan doonto sida ay tahay imika. 

S.Baahiyaha haysta Dugsiga maxaa ka mid ah Maamule?

J.Kolay baahiyuhu waa ay iska badan yiih balse way kala xag jiraan oo way kala horeeyaan waana sidan.

1. Macalimiin yaraan, ugu yaraan 2 macalin oo kale ayaa loo baahan yahay

2. Mushaarka oo nagu yar, macalin 10 saacadood shaqeeya, waxba uma goynaaso, caruurta badankoogu waa reer miyi oo lacag lagama qaadi karo, markaa UHWA waxaanu waydiisanaa in mushaarka loo kordhiyo dhamaan macalimiinta Degmada, tirada macalimiinta la isku dheeri tiro.

S,Ugu danbaytii maxaad usoo jeedin lahayd UHWA oo aad ogtahay in ay gacanta ku hayso Iskuulada Degmada?

J, Marka waan salaamayaa mar labaad waxa aan leeyahay dadaalkiina wada oo ha kadaalina hawsha aad haysaan waad ku liibaani doontaan aakhiro iyo aduunbee. mahadnaqwey iyo abaal dhinaca rabi iyo aakhir ayaa ka heli doontaa.

haddii rabbi yidhaahdo bal waxa aan ku dadaali doonaa haddii ay suurgal noqoto in aan warbixino kasoo diro iskuuladii qodaalka

La soco warbixinada danbe ee dugsiyadan

sidda:-  Harcadaaad ( xaalad adag ku jirta )

            Xidhinta

           Taysa