Asalaamu Calaykum dhammaan reer UHWA Allayabaday. Waa maalin farxad leh insha-allaahu.
 
Waxa shalay gallinkii dambe u baxay degmada Allaybaday raashinkii iyo Maacuunkii dugsiyada degamada ee kala ah:

1. Geesdheere,

2. Geedabeera,

3. Harcadaad,

4. Xidhinta ,

5. Taysa,

6. Diinigoobaale 

7. Waalid xoor.

Suurtagalnimada arrintan oo anu ka shaqaynanay ilaa toddobadii maalmood ee ugu dambeeyey ayaanu shalay ku guulaysanay in la raro sida aad ka aragtaan sawirka baabuurkii siday oo aanu sii raacnay.laakiin galay dooxa u dhexeeya Arabsiyo iyo geeshdeere halkaasi oo uu xalay u hoyday.
 
Allaabta uu sido 2 baaburka oo uu iska leeyahay Axmed Aw Geesh waa:
 
1) Maacuunkii oo dhammaystiran( Dussud, koobab iyo suxuun)
2) Weelkii biyaha oo ka kooban foosto caaga, laba baaldhi oo daboolle, iyo laba
  jeerican dugsi kasta.
3) Korjad caw ah oo loogu talagalay in ardaydu ku fadhiisato marka la qadaynayo.
    tirada cawdu waxay ku xidhantahay tirada ardayda dugsiga.
4) Raashinku wuxuu ka koobanayahay
    Bariis, Sonkor, Saliid iyo Misir waxa doorkan ka maqan boorashkii.
 
5) Raashinka oon badanayn darteed doorkan dugsiyada waxa loo diray
bil raashinkeed halkii looga diri lahaa saddex bilood.
 
Arrintaasi waa guul inoo soo hoayatay oo ay ku mahadsantahay wasaaradda waxbarashadu waayo dalaka dugsiyo dhisan ayaan helin raashin, innagana
shiraacyadeenii ayaa ardaydii raashinkii loo raray.
Waxayna ku timid taakulaynta UHWA iyo dedaalka guddida gudaha.
 

Waxaan ku soo gabogabaynayaa in hawlihii inoo dhinnaa ee aanu ballan qaaday waxa ka hadhay :

 Dhammaystirka dhismaha oon filayo inay dhamaanto horraant 2009--- waayo.

1. Barwaaqo waa la dhameeyey,

2. Waalidxoor wuu bilaabmay( NRC),

3. Geesdheere wuxuu bilabmayaa inta ka horraysa dhammaadka sannadka( CARE).

4. Diinigoobaale ilaa january 2009( SCF Denmark).

5. Harcadaad ilaa january 2009( SCF Denmark).

Macalimiintii waxa mushahar qaadan doona december 10 macallin ( toddobada maamule ee dugsiyada raashinka loo sido) iyo saddex macallin oo ah Allabaday.

Hadaba waxaanu dhamaan UHWA Gudo iyo Qurbo-joogba aan xasuusinaa in ay caruurt ay kordhaaso, maanlinta cuntada la bilaabo, taas laga rabo in gudo iyo dibadba loo diyaargaraabo in hawsha iyo macalimiintu kordhaaso, dhamaan deeqbixiyaasha Hargeisa, Allaybaday iyo Qurbo-joog oo dhami waa in u diyaargaroobaan isku duubni iyo hawl dheeraad oo balaadhan.

 
Allaa Mahadle
 
 
Axmed Cabdi Bakaal
Xubin Deeqbixiyaasha UHWA Hargeysa.