Maanta oo ay bishu tahay 15/05/007 waxa magaalada Allaybaday  ay keentay haayada wadaniga ah ee HAVOYOCO, ee fulinaysa Mashruucan  lagu  xidhaayo dhaamamkii jabay  ee ay jabiyeen roobabkii ma hiigaanada ahaa ee da’ay 14/04/007, Cagafyadii xidhaayay dhaamamkaasi jabay, kuwaasi oo bilaabi doona hawshaasi xidhitaanka ah  bari sida ay ii sheegeen  Madaxda Hayaadaasi Wadaniga ah ee HAVOYOCO hadii alleh yidhaahdo.

Waxa aad u soo dhaweeyay  dadwaynaha ku nool degmada I maantinka cagafyada oo baryahanba aad loo sugaayay, dadkuna ay aad ugu farxeen imaatinkaasi  waayo waxa jirtay in dadku  ay dadaal sameeyeen ay ku xidhayeen  dhaamamkaasi jabay iyaga oo isticmaalaayay bacaha raashiinka si ay ugu sii hayaan biyaha yare e ugu hadhay  dhaamamka ugana sii faaidaystaan biyahaasi  xaga wax beerista, laakiin markii ay roobab kale oo waawayni de’en  uu si dhib yar  u qaadaayay  bacahaasi raashiinka ee ay u isticmaaleen xidhitaanka dhaamamka jabay, wax yeelana soo gaadhsiiyay abuurkii ay marlabaad beereen, ayay dadku ka niyad jabeen wax beeristii maadaama oo dhamaamkii biyaha ka qaban jiray dhulbeereedka ay jaban yihiin si fududna uu u qaadi karo haddiiba ay mar saddexaad beeraan dhulbeereedkaasi iyaga oo jaban dhaamamkaasi, ayay dadka deegaanku aad u soo dhaweeyeen imaatinka cagafyadaasi u xidhaya dhaamamka jabay

Waxa kale oo ay dadka deegaanku mahadnaq balaadhan u soo jeedinayeen Haayadaha caalamiga ah , kuwa dawliga ah iyo Gudoomiyaha degmada oo isna ugalay dadaal badan oo qaylo dhaana ah,

Dadaalkiisaana ku guulaystay in dadka dhibku soo gaadhay wax loo qabto.

Waxa kale oo iyana maanta kulan isugu yimid Ururka Horumarinta Beeralayda iyo Haralayda ee Degmada Allaybaday, Kulan koodaasi oo ay  kaga hadlayeen siddii ay  Contrabition  ugu  hore gudoomiyaha degmadu u balan qaaday  ay ugu darsan lahaa yeen Mashruucan dhaamamka loogu xidhayo iyo siddii ay wada shaqayn buuxda ula yeelan lahaayeen hawl wadeenada haayadaasi,

Ugu danbaytii waxay go’aam ku gaadheen ururkaasi in ay kaga qayb qaataan hawshan loo qabanaayo in  uu dhaamkastaa bixiyo saddex saacadood lacagtood  iyo in si fiican loola shaqeeyo Haayadaasi fulinaysa hawsha.

   

Wariye:ISMAIL ABDI MUXUMED (Hilqad)

DEGMADA ALLLAYBADAY , SOMALILAND

Telefon: + 2522357702

Email: hilqadm@hotmail.com