Waxa maalintii labaad ay dadwaynaha Magaalada Allaybaday ay aad ugu soo dareereen Diwaangalinta taasi oo aad arki karaysay safaf dhaadheer dad ugu jira in ay is diwaangaliyaan si ay u qaataan labada kaadh ee kala ah Kaadhka Muwaadinimada iyo ka codbixinta, balse waxa ay ka kooban yihiin goobaha diwaangalinta Magalaada Allaybaday 4 goobood afartaasi goobaad ayaa Saaka mid ka mid ahi ay ahayd mid aanay wax shaqo ahi kasocon ilaa 1;00 duhurnimo balse wixii kowdii ka danbeeyay lagu guulaystay in dib looga shaqaysiiyo goobtaasi oo cilad farsamo ku timid, sidoo kale waxa iyana shalay cilado ku yimaadeen 3 goobood oo ka mid 14 Goobood ee Degmada Allaybaday goobahaasi oo kala ahaa Xidhinta, Geed Abeera iyo Tincada oo aan iyada shalay wax  Diwaangalin ahi aanay ka dhicin haba yaraatee balse saaka ay si fiican ay shaqadii dib uga bilaabantahay .

14 Goobood ee Degmada Allaybaday sida fiican uga socdaa hada waa

1. 4 Goobood ee magaalada Allaybaday, ( Dhismaha Dawlada hoose, Xaafada Hilaac, Xaafada Onkod iyo Allaybaday-Ethipia )

2. Suuqweynaha magaalada Xidhinta

3. Dugsiga Taysa

4. Dugsiga Tincada

5. Dugsiga HarCadaad

6. Dugsiga Geed Abeerah

7. Dugsiga Gees Dheere .

8. Dugsiga Diinigoobaale .

9. Dugsiga Waadi Xoor .

10. Dugsiga  Laayo

Waxa ay dadwaynahaasi isdiwaan galinaayay wajiyadooda ka muuqday farxad taasi oo mar aan qaar ka mid ah su’aalo  aan waydiiyay ah sidda ay u arkaan in ay Isdiwaangaliyaan waxaanay iigu jawaabeen Diwaangalintu waa hawl qaran waananu ku faraxsanahay in aanu Isdiwaangalino, hadaba ilaa hada Diwaangalintu waxa ay guud ahaan Degmada Allaybaday uga socotaa si habsamiya.

Dhanka kale waxa saaka Socdaal ku soo gaadhay Gudoomiyaha Xisbiga-qaran ee Kulmiye Axmed Maxamuud Siilaanyo iyo Musharaxa M/xigeenaka ee Kulmiye Mr. C/raxmaan Saylici iyo Xubno kale oo ka mid ahaa Xisbiga Kulmiye waxaanay dhamaan soo mareen Goobaha ay ka socotay Diwaangalintu iyaga oo dadkii Isdiwaangalinayayna ku boriyay in ay Isdiwaangaliyaan iyaga oo u sheegay in ay Diwaangalintu qayb ka tahay Muwaadinimada oo waxa ay ku yidhaahdeen dadkaasi ay lahadlayeen in qofkii aan isdiwaangalin ay Muwaadinimadiisu aanay dhamaystirnayn.

Dhinaca kale waxaa shalay wafdi balaadhan ku yimid Dhamaan meelaha diiwangelintu ka soco shirgudoonka Golaha wakiilada Somaliland, Mr. Cabdirahman M. Ciro, Cabdiasis M.Samaale, Baashe M. Farah iyo wafdi balaadhan oo ay hogaaminayeen gormeer ku soo maray dhamaan degmooyinka gobol weynaha Gabiley.