Waxa maalintii Afraad gashay isdiiwaan galinta ka socota Gobolka Maroodi Jeex ee Hargeisa hadaba dadwaynaha Degmada Allaybaday ayaa ah kuwo si wayn ugu soo baxay diiwaan galinta waxaanad arki karaysay boqolaal dad  ah oo kuyuu ugu jira safaf dhaadheer sidii ay u qaadan lahaayeen labada Kaadh ee kala ah Kaadhka Jinsiyada iyo ka codaynta hadaba dadkaasi ayaa ahaa kuwo aad ugu heelanaa sidii ay ugu guulaysan lahaayeen inay helaan labadaasi Kaadh, hadaba waxaa si habsamiya u socota hawsha goobaha diiwaan galinta Degmada Allaybaday taasi oo aanay jirin wax cilado ah oo la soo sheegayo. 

Tirada ilaa hada iska diiwaangelisay Degmada Allaybaday waxaa lagu qisaaya in maalin walba tiro 2 000 ilaa 3000 qof, sidaa waxaa ii sheegay gudoomiyaha Diiwaangelinta Degmada, qiyaasii shalay magaalada Allaybaday waxaa iska diwaangeliyay 1000 qof labo meelood oo ka mid afarta meelood ee magaalada ku yaala.

Hadaba waxa maanta shir jaraa’id Ku qabtay magaalada allaybaday G/Xigaanka koobaad ee Golaha Wakiilada Jamhuuriyada Somaliland Mudane C/casiis Maxamed Samaale shirkaa Jaraa’id oo ay ku waheliyeen Wasiir ku xigeenka Boosaha iyo Isgaadhsiinta JSL Mudane Cali Sh Maxamed Cabdi iyo Suldaanka guued ee Degmada Allaybaday Suldan Axmed-nuur C/laahi Samaale. àyaa uu ugu horayn shirkaasi jaraai’d uu ka hadlay Mudane C/casiis Maxamed Samaale waxaanu yidhi 339 goobood ee Gobolka Maroodi Jeex aad ayay ugu yar yihiiin isaga oo yidhi Gobolka Maroodi Jeex waa Gobolka ugu Baaxad wayn Guud ahaan Somaliland  sidaasi daraadeed kuma filo goobahaasi waxa oo uu yidhi waxa iyana aad ugu yar Maalmaha 6 lixda ah ee loo qoondeeyay in ay Diwaangalintu ka socoto Gobolka  isaga oo sheegay in aanay  maalmahaasi dadka Gobolka Maroodi Jeex isuwada diwaangalin karin taasi oo uu Marka hore Komishanka Qaranka usoo jeediyay in loo kordhiyo Gobolka Maalmahaasi ay ugu talagaleen si ayna u dhicin in laga tago dad aan isdiwaangain oo gobolka u dhashay, waxa uu aad uga hadlay in mihiim tahay in ugu yaraan lagu kordhiyo labo maalmood.

Siddoo kale waxa iyana  shirkaasi Jaraa’id ka hadlay  Wasiir ku xigeenka Boosaha iyo Isgaadhsiinta Mudane Cali sheekh iyo Suldaan Axmed-Nuur C/laahi Samaale oo labadooduba Komishanka Qaranka iyo Guud ahaan Madaxda Qarankaba ka codsaday in loo kordhiyo Maalmahaasi loo qoondeeyay in ay Diwaangalintu kasocoto Gobolkan Maroodi Jeex .

Meelo badan oo ka mid Gobolkan Gabiley waxay diiwaangelin si fiican ugu dhacday labadii maalmood ee ugu danbeeyay, sida 6 goobood oo ka mid ah 14 goobood ee degmada Allaybaday.