Ma aha markii ugu horeysey ee ay
Hay,ada Wadaniga ah ee Havayoco ka dhisto ama
Hargeysa
(Gabileynews)- hay,ada Wadaniga ah ee HAVAYOCO ,ayaa dhagax
dhigey Iskuul Cusub oo ay ka dhiseyso tuulada heeryo oo ka
tirsan Degmada Alleybadey ee Gobolka Gabiley,iskuulkaas oo
ay Hay,ada Havayoco raacineyso Bali biyood ay isagana ka
qodeyso isla deegaankaasi.
Masuuliyiin ka socdey Hay,ada Havayoco oo uu wehelinayo
Gudoomiyaha Degmada Alleybadey Xasan Cabdi Cali (Xasan
Shahar)ayaa dhagaxa qormada iskuulkaa Cusub ee ay
maalgalineyso Haya,ada Havayoco wadajir u dhigey saaka
barqadii Tuulada heeryo oo ka tirsan Degmada
Alleybadey,iskuulkaas oo la filayo in dhismihiisa ay
bilaabeyso dhawaan Ha,ada Wadaniga ah ee Havayoco.
Gudoomiyaha Degamda Alleybadey Mr Xasan Cabdi Cali (xasan
shahar),oo ugu horeyn saaka ka hadley dhagax dhiga
iskuulkaasi ayaa u mahad celiyey Hay,ada Wadaniga ah ee
Havayoco oo uu uga mahad celiyey waxqabadyada isdaba jooga
ah ee ay Hay,adaasi ka hirgaliso meelo badan oo kamid ah
Deegaanka Degmada Alleybadey ,sida Tuulada laaye,Ceelka
Dameero boob oo ay dib u habeyn ku sameysey dhamaan
qalabkii,matoorkii iyo agabkii kale,xidhitaankii baliyada
Degmada Alleybadey oo ay xidhey Hay,adaasi ,xoolo door ah oo
ay Hay,ada Havayoco u iibisey meelo deegaanka Degmada
Alleybadey ka tirsan ,kuwaas oo lamid ah mashaariicda guud
ee adeegyada bulshada ee inta ay dalka ka hirgaliso Hay,ada
Havayoco. Ayuu uga mahad celiyey Gudoomiyaha Degmada
Alleybadey Hay,ada Wadaniga ah ee Havoyoco.
gabagabadiina waxa uu sheegey Gudoomiyaha Degamda Alleybadey
in ay rajeynayaan in Hay,ada Wadaniga ah ee Havayoco oo
abaal weyn ku lihi in ay mashaariic door ah oo bulshada
deegaankaasi anfaca ay wax uga qaban doonto ha ugu sii
muhiimsanaado iskuulkan oo ay wax ka baran doonaan boqolaal
caruur ah oo awal hore meelo aad uga fog u doonan jirey
Waxbarashada Dugsiyada Hoose.
Ma aha markii ugu horeysey ee ay Hay,ada Wadaniga ah ee
Havayoco ka dhisto ama qorsheyso iskuulo Waxbarasho
Tuulooyin ka tirsan Degamada Alleybadey laakiin waxey Hore
uga dhiseen Tuulooyin kale oo ay kamid tahey Tuulada laaye
oo ka tirsan Degmada Alleybadey oo dadweynaheedu u aayeen
wax qabadyo badan oo ay ka howl gashey Havayoco.
Wariye C/raxmaan Nuux Axmed (hiiraan)
Gabileynews Hargeysa Office
Email:hiiraan07@hotmail.com
