Waxa la soo gabagabeeyay dhamaan imtixaanaadkii Dugsiyada termka kowaad ee sanad dugsiyeedka. hadaba waxaan saaka booqday Dugsiga Sare Allaybaday xili ay ardaydu imtixaankii Maadadii ugu dambaysay u fadhiyeen, kadib markii imtixaankii ka soo baxeen ayaa waxa uu Maamulaha Dugsigaasi ardaydii kula hadlay barxada Dugsiga isaga oo ugu horayn ku bogaadiyay sidii fiicnayd ee ay imtixaanka ugu soo diyaargaroobeen isaga oo sheegay in arday waliba intii uu dadaalay uu natiijadeeda heli doono marka fasxa laga soo laabto hadii Alla yidhaah. sidoo kale waxa uu Maamuluhu xusay in Fasax macnihiisu ahayn in Waxbarashadii joogsatay balse larabo in aad dadaalkiina sii labalaabtaan oo aad saacadihii aad Iskuulka joogteen aad ku badashaan Wax Akhris oo waa inaad samaysataan goobo aad wax ku akhrisataan oo aad ku kulantaan waayo Cilmigu wuxuu yaalaa dhexdiina ayuu yidhi.

Maamulaha Dugsiga Mr. Maxamed Daud ayaa hadalkiisa ku bilaabay sidan: Aniga oo ku hadlaay afka maamulaha, Macalimiinta iyo dhamaan arday u soo gudbinayaa dhamaan Xubnaha UHWA salaan iyo Su,aal ah: Halkuu marayaa qeybtii Dugsiga Sarre ee Qurbo joogto balanqaadeen 3 sanno ka hor, qorshaha ma waxbaa iska bedelay ?

Dhanka kale  wuxuu Maamuluhu ardayda kawacyigaliyay Balwadaha isaga oo sheegay in  cunista Qaadka, cabista Sigaarku ay waxyeelaynayso caafimaadka, dhaqaalaha, akhlaaqda iyo Waxbarashada isaga oo yidhi qof balwad lihi waxba ma baran karo, sidaa awgeed  waa inaad ka digtoonaataan dhamaan wixii Waxbarashadiina wax udhimaya.

Ugu danbayntii wuxuu ku dhiiri galiyay Sportska isaga oo halkaasi ku gudoonsiiyay qalab Sports oo ka koobnaa dress, shabagyo kala ah Football iyo basketball iyo Kubbadahoodii.

Hadaba waxa ardaydii saaka uu Maamuluhu qalabkaasi gudoonsiiyay Wajigooda ka muuqday Farxad ay ku Faraxsanaayeen Qalabkaasi la gudoon siiyay, waxa aan wax ka waydiiyay Xasan Ismaaciil Muxumed sida uu dareenkiisu  yahay iyo in ay wakhtigan u baahnaayeen Qalabkaasi? Wuxuuna iigu jawaabay aad ayaan ugu faraxsanahay Marka hore Qalabkaasi uu Maamuluhu noogu Deeqday,aadna waanu ugu baahnayn wakhtigan  oo aanu galayno fasax taasi oo wakhtiyada Fasaxa ay wareegyo ciyaareed ka bilaabmaan Magaalada imika uu bilaabmayo Tartankaasi ayaanu haddii aanu nahay Kooxda ku ciyaaraysa Dugsiga sare ee Allaybaday  ay  dresskan iyo kubaduhuba ay wax wayn noo taridoonaa oo aanu kaga maarmi doono in aanu kubado iyo drees soo iibsano ayuu yidhi Xasan yare.