Waxa aan shalay kormeer ku tagay Iskuulada Qodaalka kuwaasi oo aan u kuurgalaayay sidda ay tahay Xaaladoodu, hadaba Iskuuladaasi oo wakhtigii aan tagay ay ardaydu Fasax ku jireen ayaanay iisuurta galin in aan la kulmo Macalimiintii Iskuuladaasi balse waxa  aan la kulmay Guddiyada Waalidiinta Iskuuladaasi aan soomaray oo kala ahaa Gees Dheere, Taysa, Xidhinta, Geed Abeera, Har Cadaad iyo Dugsiga Cusub ee Harta Geelle (Cabdalle).

Dhamaan waxa ay ii sheegeen Gudiyaasi in ay Iskuuladaasi si fiican u shaqaynayeen intii aanay Fasaxa Galin Walow ay Guddida Geed Abeera oo uu Wakhtigaasi aan tagay uu la joogay Oday Cali Nuur ay ii sheegeen uu khilaaf u dhaxeeyo Maamulaha Dugsigaasi iyo Guddida, balse waxa aan waydiiyay in ay jirto cid ay u sheegteen arintaasi waxaaanay ii sheegeen in ay La xidhiidheen Guddida  UHWA  Allaybaday  ka balansan yihiin arintaasi oo ay dhawaan u imanayaan Guddidaasi xalinayaana inta fasaxa lagu jiro waxa kale oo ay yidhaahdeen  nasiib wanaag maanta waxa nala jooga isna Oday Cali-Nuur oo isna ku dhex jira hawlaha Waxbarashada markaasi arintaasi waxaanu filaynaa in ay noogu dhamaato si wanaagsan ayuu yidhi Gudoomiyaha Guddida waalidiinta Geed Abeera Xuseen Abiib Qaalib oo ay waheliyeen xubno kale oo Guddidaasi ka mid ahi.

Waxa kale xusid mudan in Dugsiga Gees dheere arday aad u badan tahay, loona baahan in uu noqdo dugsiga ugu horeeya ee hella dhismo rasmi ah, taas oo dhawaan laga sugaayo in haydaha wax dhisaan bilaabaan, cidkasto wax ka qaban kartaa ay wax ka qabato.

Dugsiga Har Cadaad arday ayaa aad ugu yar sida lanoo sheegay, waxaanu rajayna in Gudida Allaybaday wax ka qabato inta fasaxa lagu jiro.

hadaba waxa xusid mudan in Iskuulka  Cusub ee  HARTA GEELE ee Mitirka laga sameeyay Iskuulkaasi oo imika shaqaynaayay Muddo bil ah ayaan tagay wakhti ay ardaydu dhiganayeen casharaduna socdeen, iyada oo ay Iskuulada degmadu ay fasax galeen sobobta keentay in uu iskuulkaasi shaqeeyo wakhtigan iyo waliba sidda  ay tahay Xaalada Iskuulku iyo cida suurta galisay in Iskuulkan halkan laga sameeyo waxa aan ka waraystay Maamulaha Dugsiga Cusub ee Harta Geelle, C/RAXMAAN C/LAAHI JAAMAC waxaanu waraysigaasi u dhacay sidan:-

    1. S. Maamule marka hore waxa aad ka warantaa Xaalada Iskuulkan Cusub ee Harta Geele sidda ay tahay? 

J. Runtii Iskuulkan Cusub ee Harta Geele aad ayay u fiican tahay xaaladiisu, arday cusub ayaan maalin walba timaada.

2. S. Wakhtigan Iskuulada Dalku waxa ay galeen fasax markaa idinku maxaad u fasixi waydeen Iskuulka?

J. Taasi way jirtaa oo dhamaan Iskuuladu waa fasax balse Iskuulkani waxa uu kagaga duwan yahay Iskuulada kale waa bilow oo bil kaliya ayaanu dhigaynay taasi oo aanu doonayno in aanu ardayda u dhamaystirno casharadii ka tagay intii ay ardayda kale  dhiganayeen   si ay ula jaan qaadaan ardayda kale takale waxa aanu ku jirnaa qorshe aanu ardayda kusoo ururinayno marka labadaasi siyaaboodba waanu u fasixiwaynay Iskuulka.

3. S. Iskuulka Ma adiga uun baa dhiga mise Cid kula dhigta ayaa jirta?

 J. Iskuulka waxa aanu ku dhignaa  laba macalin oo kala ah Aniga oo Maamula ah iyo Macalin Rashiid C/laahi oo ah macalim waxbarash sarre leh.

4. Ayaa Iskuulka furitaankiisa idinka Caawiyay?

J. Marka hore waxa hindisaha keenay Odayaasha Deegaanka oo arkay in baahida loo qabo in iskuul laga sameeyo Hartan Geele kadibna  xidhiidh ayay la  sameeyay Guddida UHWA Allaybaday oo furitaankii Iskuulka waxa Xadhiga ka jaray Xoghayaha UHWA  Maxamed Xaashi Caduur.

5. Waxaan baahida loo qabaa Iskuulkan wakhtigan xaadir ah.

J. Waa su,aal muhiima, Degaanka Mitirka waa dhul balaadhan oo dadkii qodaalka degaanaa oo dhan ayaa u soo guuray, Harta Geelle meesha u dhow ee Skuul lihi waa Xidhinta, waxay u jirtaa masaafad dheer oo lagu qiyaaso 10 km, ilma yar oo 6-8 jir uma logayn karo masaafada, markaa ama iskuulkan ayaa shaqayn ama caruurta degaanku way iska iskuul la,aan, taas ayaa geliftay.

6. S. Tirada Ardayda waa Imisa?

J. Tirada ardaydu waa 75 arday oo 25 ka mid ahi ay hablo yihiin. 

7..S. Maxaad Baahiyaha Iskuulka  Nooga sheegi Kartaa?

J. Runtii Baahiyaha Iskuulku way badan yihiin balse way kala horeeyaan oo imika waxa ugu horeeya siddii loo helilahaa

1. Taandho ay ardaydu hoos gasho

2. In Gunada Macalimiinta Degmada nalagu daro Macalimiinta ay UHWA wax siiso.

3. In naloo keeno Agabkii Waxbarashada sidda Buugtii.

8.Ugu danbayntii maxaad usoo jeedin lahayd Guud ahaan UHWA?

J. Marka hore waxa aan usoo jeedinayaa Salaan qaaliya, marka xiga waxa aan usoo jeedinayaa iskuduubnaan istixgalin, isu tanaasul, iyo in ay hawsha khayriga ah ee ay wadaan ayna ka daalin ee ay halkaasi kasii wadaan. abaal weyn ayaan u soo diraan cidwalba oo ku hawlaha waxbarashada.