Hadhwanaag 2009-01-10 (Hadhwanaagnews) Allaybaday(HWN):-Dadweynaha ku dhaqan Magaaladda Allaybaday ayaa shalay Mudaharaad aan dhib gaysan oo ay kaga soo horjeedaan dad lagu kala xidhay Gabilay iyo Allaybaday ka sameeyay gudaha Allaybday, kuwaaasoo socod ku marey wadooyinka magaalada dhexdeeda, ugu dambayntiina is hor dhoobay Xarunta Maamulka Degmada oo ay ku sugnaayeen Masuuliyeen ka timi Gobolka Gabiley oo ay ka mid ahaayeen Badhasaab ku-xigeenka Gabilay Cabdirisaaq Sheekh Aadan Cali iyo Taliye ku xigeenka Qaybta Ibraahin Axmed. Dadkan Mudaharaadayay ayaa Masuuliyiinta heer Gobo lee goobta ku sugna u gudbiyay cabasho, codsi iyo sidda ay uga xunyihiin dad lagu xidhxidhay Saldhiga Booliska Allaybaday iyo qaar loo gudbiyay Jeelka Gabiley, dadkaasi oo isug jiray Waalidiin uu ka mid yahay Maxamuud Yuusuf Cige oo ah Gudoomiyaha Ururka Waxbarashada Degmada Allaybaday, isla markaana ahaan jiray Gudoomiyihii Degmada Allaybaday ee ugu Mudda dheeraa. Xadhiga waalidiintan ayaa daba socday Mudaharaad gacan ka hadal watay oo Allaybaday ka dhacay 05/01/09 Mudaharaadkaasi oo ay sabab u ahayd Koox Ciyaartow ah iyo Maamulka Degmada oo khilaafkaas soo kala dhex galay ka dib markii Shidaal ay Ciyaartoygaasi ka dalbadeen Maamulka ay ka waayeen, taasi, ka dibna la sheegay in uu Maamulkuna Xidhay, 3 ka mid ah Kooxdaasi Ciyaartowga ah, kuwaasoo loo gudbiyay Jeelka Magaaladda Gabiley. Hase ahaatee, xadhigaa Ciyaartowdu waxa uu sababay in Kooxdii ay ka tirsanaayeen khasaare burbur ah soo gaadhsiisay Xaruntii Maamulka ee Degmada Allaybaday. Isla markaana, Maamulka Degmada ayaa mar la badaan talaabada ay dhalinyartu qaaday waxa ay kaga jawaabeen, in haddana la xidhxidho 6 ka mid ah Kooxdii, kuwaasoo ka dib markii ay Guddida Nabadgalyadu ka fadhiisteen, la xukumay, isla markaana loo gudbiyay Jeelka Gabiley, hase ahaatee intii lagu sii waday Magaaladda Gabilay, waxa dhacday in uu mid ka mid ah kooxdaas uu gaadhigii ka dhaco, iyada oo silsiladi Lugta kaga xidhan tahay, taasoo sababtay in uu isaga oo Gaadhiga ka dhacay uu cabaar daba jiitamo gaadhiga oo socday, iyada oo isla halkaa ay qaar kale ku baxsadeen. Si kastaba ha ahaatee, dadwaynahan mudaharaadayay ayaa Masuuliyiinta heer Gobol ee Gabilay oo halkaa u tagay dejinta dadka arrintaa ka cadhooday, ka codsaday in shuruud la’aan lagu sii daayo dadka xidhan, iyada oo Masuuliyiintuna dhinacooda balan qaaday in ay sida ugu suurtagalsan uga hawl-galayaan siidaynta dhalinyarta rabshadu ka dhalatay. Hase ahaatee, lama balan-qaadka Masuuliyiinta waxa ka dhab noqon doona, inuu noqon doono mid dadka lagu dejinayo iyo mid ka dhab ah ka uu yahay. Hadhwanaagnews.com/Office Hargeysa/Somaliland. Mustafe-Janaale Janaale94@gmail.com

Submited By hadhwanaag : 2009-01-10