Waxa maalmahan danbe
ay koox ka mida Haayada Halo Trust ay kawadeen magaalada
allaybaday Hawlgal miino raadin ah, Hadaba waraysi aan la
yeeshay Madaxa kooxdaa waxa uu u dhignaa siddan:-
1. S. waa maxay
muhiimda ugu balaadhan ee aad ee howl galkiinan ugu
timaadeen degmada?
J. marka ugu horaysa
waxaanu ku nimid degmada codsi nagaga yimid maamulka degmada
oo naga codsaday in aanu ka samayno Survey miino raadin ah
oo aanu ku samayno goobaha ay ku jirto miinadu ama
waxyaabaha qarxaa,.
2. S. halkuu maryaa
howl galkiinan sahanka miino baadhista ahi?
J. wuxuu maryaa meel
fiican waayo waxaanu ka bilownay howshan miino raadinta ah
xeradii hore taliskii Siyaad Barre ku lahaa magaalada
Allaybaday (xero faqash tii) oo ahayd gaabihii ugu waa
waynaa fadhiisimadii ay ku lahaayeen Gobolka Woqooyi
Galbeed, halkaasi oo dhimasho &dhaawac fara badan dadka
deegaanka ka soo gaadhi jireen xoolo tiro badana kaga
dhinteen dadka deegaanka.
3. S. meelaha aad
sahanka miino raadinta ah ka wadaan degmada Allaybaday ma
halkan uunbaa mise meelo kale ayaa jira?
J. runtii waxay
degmadu naga soo codsatay 6 goobood oo ka tirsan degmada
Allaybaday in aanu ka bilowno sahanka miino baadhista ah
6-daa goobood waxaa ka mid ah tan aanu howsha ka wadno iyo
in aanu godod magaalada dhexdeeda ah oo ay ku jiraan walxaha
qarxaa, sida saldhigii hore ee magaalada in aanu baadhis ku
samayno iyo in aanu iyana sahanka ka samayno Geed abeera,
Xidhinta, Waraabalay iyo Wado dhibiiq ayaa iyana qorshaha
noogu jirta.
4. S. wax dad ah oo
deegaanka ahi ma idin la howl galaan si ay idiinka caawiyeen
mise laga yaabaa in aad howl galisaan dad deegaanka ah?
J. runtii anagu Halo
Trust ahaan mar walba waxa aanu ku shaqaynaa xogta aanu ka
helno dadka dagan meesha aanu ka wadno hawsha, markaa anagu
waxaanu nahay qaybtii sahanka marka hawsha la bilaabo way
nala hawl gali doonaa ilaa hadana waxaanu ka helnay xogo
fiican dadka deegaanka.
5.S. Sahankiinan
maxaa xoga ee aad ilaa hada ka hesheen goobtan 1aad ee aad
ka samayseen sahankiinan?
J.Ilaa hada waxa aanu
haynaa xogo la taaban karo oo cadaynaya in wax yaabo fara
badan oo ah aaladaha qarxaa ay jiraan deegaankan, waayo waxa
aanu ku raad joognaa meelihii ay miinooyinku ka qarxeen ee
ay ku laayeen dad iyo xoolaba, ilaa hadana waxa ay dad
waynuhu noosoo gacan galiyeen qaar ka mid ah aaladaha yar
yare e qarxa sida tan hada aanu qarxinay oo ah nooca loo
yaaqaano Jalfis, waxaananu rajaynaynaa in aanu heli doono
noocyo kale oo calculus( anti tunk) waayo meeshani waxay
ahayd xero ciidan oo balaadhan.
