Waxbarashada
ka jirta Magaalada Allaybaday,Waraysi aan la yeeshay.
Maamulaha
Madarasada Allaybaday,
Axmed Aadan
Xirsi.
Waraysi:
Su’al: Maamule, Waxa aad
tira koob naga siisaa tirada ardayda dhigata Madarasada
Allaybaday?Imisa ayaa hablo ah imisa ayaan wiilal ah.
J. Madarasada waxa dhigta hada
340 arday waxa hablo ah 108 hablood. Iyo 232 wiil ayaa dhigta.
Su’al:
Imisa Macalinbaa dhiga
Madarasada? Magacyadooda noo sheeg.?
J. Waxa dhiga 6 ( lix
macalin)
Axmed aadan Xirsi –Maamuleh
Muuse Aw Daauud Iriir
Mawliid Xasan Cabdi
Maxamed Baaruud Madar
Jamaal Daauud Faarax
Su’al: Xaalada Madarasada ka waran?
J. Madarasadu aad bay u fiican tahay imika.Marka aan ka eego
Xaga geedi socodka Waxbarashada. Taasi oo aanu dhigo galinka
hore iyo galin dambaba dhigno. Xaaladeeda waxbarasho aad bay
ufiican tahay.
Su’al: Macalimiinta ayaa mushaarka siiya?
J. Macaliintu Marka hore guud ahaan waa 6 macalin. Lixda macalin
waxa gunaysan 2 ka mida lixdaa macalin taasi oo ay gunadaasi
siiso Jaalida Dibada ee ka soo jeeda Deegaankan
Allaybaday. 3 kalena wax guno ah maqaataan wakhtigan, mid waxaa
wax siiya waalidiidta magaalada, waxaanu Jaaliyada dibada
waydiisanaa in ay 3 macalin ee waxba qaadan ee Dar ilaahay ku
shaqeeya ay guno noo siiyaa, waa hadii ay awoodi karaan.
Su’al: Taariikhda Madarasada bal nooga waran?
J. Madarasada waxa la aasaasay 1992kii. Kaasi oo uu aasaasay
Sheikh Naasir Macalin yuusuf.Madarasada
waxay soo martay marxalado kala duwan, Waana siidan.Markii ugu
horaysay waxa lagu bilaabay Stationkii hore ee Allaybaday.
Markii danbe waxa aanu u guurnay guryo magaalada ku yaalay
kuwaasi oo bilaa albaabo iyo bilaa daaqado ahaa.Ardayda qaarna
dibada ayaa loogu dhigi jiray,Laba sano kadib wax isu tagay
dadkii deegaanka waxaanay talo ku gaadheen in la dhiso dhisme ay
ardaydu wax ku barato. Taasi oo
Suldaanka Beeshu,
Suldaan Ahmed A/Laahi Samaale uu ku deeqay dhulka
Madarada loo qoon deeyay in laga dhiso. Taasina waa lagu
guulaystay oo wax ala dhisay dhismahan madarasada oo ka koobnaa
afar fasal iyo hal xafiis. Markii ay siddaa Waxbarashadii kusii
socotay ardaydana waxa aanu ku badali jirnay marka ay gaadhaan 6
oo hargaysa ayuu ardaygu u wareegi jiray. Kadib wax dhacday in
ardaydii labadaalayay ay qaarka midihi waayeen xaafada ay
hargaysa ku tiirsadaan si ay usii wataan waxbarashadoodii
kadibna ay halkaa kaga hadhaan waxbarashadii, Ayaa wax ka shiray
arinkaasi dadkii deegaanka iyo Mutacalimiintii degmada ee
hargaysa joogtay. Waxaana la isla gartay in lagu biiriyo 3
galaas oo ay ardaydu halkan ku dhamaysato waxbarashada
D/H/Dhexe. Markaa sanadkii hore iyo sanadkan toona wax ardaya
maanaan badalin oo waxa ay ku dhigteeen halkan 7.kii oo ay
sankii hore dhigteen iyo 8 oo ay imika ku jiraan. Waa siddaa
xaalada guud ee Madarasadu.
Madarasadu waxbashada Degmada wax weyn ayay ku soo kordhisay,
Caruurta wax ku baratay, hada waxay ku jiraan jaamacada aduunka
oo dhan, Qaarbaa hada Europ iyo Maraykanba idinla jooga hada.
Wixii ka danbeeyay xorayntii wadankeena waa meesha qudha ee
waxbarasho dhisan lahayn Degmadeena. Markaa xaalada madarasada
hada aad bay u fiican tahay, intaasi waa tariikh yar oo kooban.
Su’al: Baahida ugu way nee madarasada haysata waa maxay?
J. Baahida ugu way nee madarasada haysataa waa Macaliin yaraan.
Oo waxa aanu aad ugu baahanahay korodhsiimo Macalimiineed. Waayo
madarasadu waa 8 fasal shan macalina wax bay ka dhigaan markaa
kordhsoomo macalin waa kow.
Macaliinta in guno ay wada helaan dhamaantood, Gaar
ahaan 3 macalin oo mudo dheer bilaa guno ku shaqaynayaa
in guno ay helaan, baahidaas ayaa ugu weyn madarasada.
Dayac
tir ama Repairing in lagu sameeyo dhismihii hore ee
Madarasada kaasi oo aad u burburay.
Iyo
waliba kuraas iyo miisas, Taasi oo ay ardaydu badhkood
ku fadhiisto Daasado.
Buugaagta luuqada Englisha ah oo iyana Grade one ilaa
grade 8 ka koobana aad baanu ugu baahanahay.
Baahida madarasada lama soo koobi karo waayo wax ay u
baahan tahay dhamaan wixii iskuul u baahnaa oo idil, se
kolba sida loo jabaa loo dhunuyaa, Illahay mahadee
maanta weeyi, hadii aanu haysano cid aanu baahiyada u
sheegan karno, oo wax nagala qaban karta.
Su’al: Dadka deegaanka wax Caawima ah ma ka heshaa madarasadu?
J. Haa way ka heshaa taasi oo ay ka caawiyeen labadaa dhisme ee
kala dambeeyayba, Taasi oo ayna Madarasadu soo gaadheen
wakhtigan haddii aanay ka helayn caawimo dadka deegaanka, iyo
hal macalin oo guno siiyaa dadku.
Su’al: Dawlada iyo D/hoose ee Allaybaday waxa Caawima ah ma ka
heshaa Madarasadu?
J. Maya wax caawimaha ka mahelo mibna, marka laga tagi waayo,
wasaarada ayaa ka dalbaa bugaag sanadeed.
Su’al: Ardayda wax lacag maad ka qaadaan?
J. Qorshaha noogu weyn waxaa weeyi in aanu Madarasada bilaash ka
dhigno oo qof walba Magaalada Allaybaday joogaa waxbarasho
bilaasha hel, madaama aanay 3 macalin wax guno hada helin
waxaanu arday bishii ka qaadnaa 5000 shilinm (waa haf dollar),
waa ku wax heli kara, kuwaa oo ka yar 100 arday, kuwa kale oo
dhami bilaash ayay ku dhigtaan, waxaanu Jaaliyada dibada u
sheegaa hadii guni siiyaa 3 macalimin ee Hadhsan in aanu
bilaasha ka dhigaano Madarasada Hoose/Dhexe ee Allaybaday,
Gudida Gudaha waa waxyaabaha ugu muhiimsan ee ay nagala hadleen.
Su’al: Jaaliyada dibadu waxa ay
leeyihiin Sanad guuraddii Koowaad ee maxaad usoo jeedin lahay?
J. Waxa aan marka hore u dirayaa salaan qaaliya. Marlaabaad
waxa aan usoo jeedinayaa mahadnaq balaadhan oo aan lasoo koobi
Karin, Waxaanan leeyahay wax wayn baad runtii u qabteen
deegaankana ee dadaalkiina sii wada. Waxaanu aad ula soco sida
fiican ee aad wax u wadaaan, Iilaahay ha idinka abaar mariyo,
waxaanu ognahay in aad maanta Guno siisaa 20 Macalimin oo
dhamaan Degmada Allaybaday wax ka dhiga, laga bilaabo Gees
DHeere ilaa Waalid Xoor, Waxaa idiin sheega in magaaladii
Allaybaday hada aad looga dareemaa gunadaa yar ee aad soo
dirtaan iyo waliba dheeri kalin aad emailada ku soo dirtaaa,
Jaaliyada sida gaar ah aan u xusayaa waa Jaaliyad USA ( oo ah
Jaaliyadii ugu horeysa ee hawshan bilowday), Norway, UK, Yemen
(5 nin oo degmada u dhashay oo dilaaalin ku shaqeeya ayaa isku
xil qaamay in ay 1 macalim mushaar siiyaa bishiiba, Alxamulaah,
waa wax ku dayahso leh), Denmark, Finland, Sweden, UAE iyo Saudi
Arabia. Hadala aan emailada ka xasuusta waxaa ka mid ah, Mukhtar
Mure oo yidhi inta nin reerka ka soo jeedaa uu USA jooga waanu
wadanaa jihaadka waxbarashda, maansha alla, waa wax lagu farxo,
waxaanu dhamaan u sheegaa in aanu ognahay waxa weyn ee aad
wadaan, emailkana kala soco wax kasta oo soo kordhay iyo meelaha
gunada laga soo diro.
Waxaa kale oo idiin sheega oo aan Jaaliyada dibada ku
dardaarayaa, madaama aanu noqonay Degmado waxaanu aad ugu baahan
ahay in Qodaalkeenu yeesho Dugsi Dhexe, madaamau aanu bilownay
Dugsi Saare waa dugsiga sarre hore ugu yaraan 3 Dugsi dhexe
Dugsiga Hoose/Dhexe ee Allaybaday
Madarasada Hoose/Dhexe ee Allaybaday
Dugsiga Hoose/Dhexe ee Xidhinta
Waxaanu noqonaaa 3 dugsgi oo mataan oo wado shaqayn fiican inaga
dhexaan, dhamaan ardayda ka soo baxdaa dugsiga Sarre ee
Jaaliyada dibada iyo dawladu wado dhisaan ayaan kali doonaa
insha alla. Sidaa awgeed, waa in la dhisaa dugsigii Dhexe ee
Xidhinta oo lala gaashado haydaha iyo Dawlada,
Magaalada Allaybaday si fiican ay u qaadi kartaa 2 dugsi iyo wax
ka badan, waxaan idiin sheegaa maanta labada dugsi ee allaybaday
waxaa dhigta 600 arday, se magaalada waxaa jooga ugu yaraan 700
ciyaala oo waxba dhigan, markaa walaal magaaladu labo dugsi si
fiican ayay u qaadasaa, waxaanu isku dayi in Caruurta
magaalada joogtaa ay waxbarasho bilaasha hesho, wiilal iyo
gabdhaba.
Aniga oo ku hadlaaya magaca Arday iyo Macalimiinta iyo waalidada
Ardayda ee Madarasada Hoose/DHexe ee Allaybaday waxaanu leenay
aad iyo aad ayaa mahadnaq weyn ugu soo gudbinaa dhamaantiiba,
rag, dumar iyo dhalinyarba.
