Gudoomiyaha Degmada, Mr. Hassan Shahar iyo wakiilka W. Horumartinta: Mr. Adan Mowlid

Wakiilka wasaarada horumarinta reer miyiga  dhirta iyo daaqa ee Allaybaday  MR. AADAN MAWLIID WARSAME  ayaa magaalada Allaybaday ugu deeqaday 300 geed oo isugu jira noocyo fara badan, hadaba Aadan oo aan waraysi la yeeshay waxa uu u dhacay sida tan:- 

S.     Aadan waxa aad magaalada Allaybaday keentay 300 geed oo isugu jira noocyo fara badan markaa waxa aad iiga warantaa meelaha aad ugu  tala gashay in lagu beero geedahaasi? 

J.      Dhirtan aan keenay magaalada Allaybaday aniga oo ka wakiila wasaarada horumarinta reer miyiga, dhirta iyo daaqa waxa aan ugu talagalay in lagu beero goobaha muhiim ka ah sidda:, Xafiiyada Dawlada Hoose iyo Dawlada Dhexe ee Degmada, Iskuulkada, Goobaha Caafimaadka, Dariiqyada muhiimka magaalada Dhexmara, Beerta Xoriyada ee Mujaahid Maxamed Cali (Xeradii ugu horeyse ee SNM lagu aasaasay, waxaana Deganaa cutub military ee ugu horeee xoogaga SNM, Waxaan hogaaminaayay ALLAHA HA unaxariista  Mujaahid weynaa ee Maxamed Cali), Goobahaasi ayaanu ugu talagalay in lagu beero geedahaasi, 

S. Maxaa ilaa hada kuu qabsoomay ka wakiil wasaarad deegaan ahaan?

J. runtii waxaan samayeeyay wacyi galin fara badan oo ah siddii loo badbaadin lahaa guud ahaan deegaanka. 

S. MR. Aadan waxa aan ka warantay inaad wacyigalin faro badan ka samaysay siddii loo badbaadin lahaa deegaanka, markaasi ilaa hada   meelehee ayaad is odhan kartaa wax baad ka qabatay? 

J.Runtii waxaan wax ka qabtay WAADI-XOOR  ilaa Tincada oo ilaa hada aanu ka wacyigalinay siddii  aanay dhirta u jari lahayn ama u gubi lahayn( u dhuxulaysan lahayn) taasi oo aan fahamsiinay  muhiimada ay dhirtu u leedahay deegaanka, runtiina hawshaasi meel fiican bay maraysaa. 

S. Ugu danbayntii maxaad ka qabataan dadka falalka dabargaynta dhirta ka waantoobi waaya marka aad ka wacyi galisaan? 

J. Waxaanu ka qabanaa in dadkaasi  la isugu daro xadhig iyo ganaax si ay kuwa kale ugu wax qaataan  oo aanay ku kicin falka ay kuwani ku kaceen. 

Wariyaha UHWA : ISMAIL ABDI MUXUMED (Hilqad)

DEGMADA ALLLAYBADAY , SOMALILAND

Telefon: + 2522357702 (Telecom, Allaybaday)

Email: hilqadm@hotmail.com

Website: http://www.allaybaday.com/