Waxa uu waftigu soomaray 24 tuulo oo kamida tuulooyinka hoosyimaada degmada Allay-baday halkaas oo uu waftigu ka akhriyay Alla-bari iyo khudbado

Wafti uu hogaaminayo suldaanka guud ee galbeedka Somaliland suldaan Axmed Nuur C/laahi Samaale iyo wasiirku xigeenka wasaarada duulista iyo hawada Axmed Cumar Cagadable iyo gudoomiyaha degmada Allay-baday Xasan Cabdi Cali iyo sideed iyo toban caaqil oo deegaanka degmada ah ayaa shalay kormeer hawleed oo ay ugu kuurgalayaan xaalada biyo la 'aaneed ee ka jirta dalka.

Waxa uu waftigu soomaray 24 tuulo oo kamida tuulooyinka hoosyimaada degmada Allay-baday halkaas oo uu waftigu ka akhriyay Alla-bari iyo khudbado.

Madaxdii halkaa ka hadashay waxa kamid ahaa Suldaan Axmed Nuur C/laahi Samaale isagoo xusay in loo noqdo Alle SWC sidoo kale waxa uu sheegay in loo bahanyahay in lasameeyo ROOB-DOON loona banaan baxo salaatul istisqaa,isagoo xusay inay dhaceen cahdigii Rasuulka SCW abaaro rasuulkuna sameeyay roobdoon sidaana ilaahay kaga korqaaday shidaddii iyo roobla'aantii.

Waxa uu waftigu kormeerkiisii kusoo gabagabeeyay degmada Allay-baday dabadeedna gudoomiyaha degmada ayaa waftiga u horkacay dhinaca Ceelka biyaha ee Dameera-Boob (riiga) halkaaso oo uu waftigu indhaha soo saaray culayska saaran ceelka,maadaama uu ceelka looga yimaado deegaanada kabaxsan degmada Allay-baday sida Wajaale,Farawayne,Baligubadle,Hartasheekh iyo dhamaan deegaanada kale ee kuteedsan xuduudka dalku laleeyahay itoobiya.


Waftigu waxa uu sigaara ugu mahadnaqay maamulka degmada kaalinta aykagaysteen horumarka degmada iyagoo waqtul-xaadirkan gaadhsiiyay biyo dhaamis tuulooyinka ay kajirtay xaalada adagi ,tuulooyinkaas oo aykamid yihiin :-

1-Laaya
2-Waalid Xoor
3-Kaam Barwaaqo
4-Laanqayrta
5-Magaalo Heeryo
6-Magaalo Farxaan
7-Tincadda
sidoo kale waxa uu maamulku ku hawlan yahay sidii uu ugaadhsiin lahaa tuulooyinka kale gurmadka biyo dhaamiska sida tuulooyinkan kor kuxusan.

Sidoo kale waxa degmada yimid wafti balaadhan oo ay hogaaminayso wasaarada macdanta & biyaha iyo hay'adaha samafalka sida NERAD,UNICEF,NRC iyo UNHCR halkaas oo uu gudoomiyaha degmadu warbixin kusiiyay ku saabsan ceelka hada laga cabo iyo Balayadii uu khasaaraha ugaysteen roobabkii laxaadka lahaa ee kalhore ka da'ay nawaaxigaa
Isagoo gudoomiyuhu xusay in sideg-deg ah waxlooga qabto ceelka biyaha hada laga cabo oo ubaahan in kiisii kale lakiciyo oo ladayac tiro lana dhamaystiro.

Waxa kale oo uu warbixintiisaa ku sheegay in sidag-gah ah waxlooga qabto baliyadii khasaaraha balaadhani kasoo gaadhay roobabkii kalhore,sidoo kale waxa uu gudoomiyaha degmadu Xasan Cabdi Cali umahad celiyay hay'adihii kusameeyay biyo joojinta balayada sdia Action-Aid ,Oxfarm.
Ugu danbayntii waxa uu gudoomiyuhu waftigan iskugu jiray wasaarada macdanta &biyaha iyo Hay'adaha ukaxeeyay baliyadii uu khasaaruhu soo gaadhay halkaas oo uu waftigu xaqiiqsaday inay baliyadu ubaahanyihiin caro qaad (dhoobo qaad) maadaama oo daadkii dhexdhigay carro farabadan oo uukasoo qaaday harba hartii ku xigtay.,iyadoo hada lafilayo roobkii gu ga.sdiaa daraadeed hadii aaan si dhakhso ah waxlooga qabanin ay saamayn wayn ku yeelandoonto bulshada deegaanka degmada oo uu ku xidhnaa dhaqaalahoodu waxsoosaarka khudrada laga beero balayada.

Ugu danbayntii waxa uu waftigu balanqaaday in ay ugudbindoonaan meelihii ay ka kala socdeen iyagoo xusay in si dhakhso ah waxlooga qaban doono baahiyahaa uu xusay gudoomiyuha degmadu Xasan Cabdi Cali.


Wariye C/raxmaan Nuux Axmed(hiiraan)GABILEYNEWS Alleybadey