Waa markii labaad ee roobabka Gugu khasaare soo gaadhsiiyaan baliyada biyaha

GABILEYNEWS (Alleybadey)-Roobab laxaad leh oo labadii maalmood ee u danbeeyey ka da,ay deegaanka Degmada Alleybadey oo katirsan Gobolka Gabiley ayaa soo gaadhsiiyey khasaare culus oo dhinacyo badan ah.



Ugu yaraan 32 baley iyo beero ayaa daadadkii kasoo fatahey roobabkaasi soo gaadhsiiyeen khasaare xoogan sida uu GABILEYNEWS u sheegay Gudoomiyaha Degmada Alleybadey Mr Xasan Cabdi Cali, waxa kale oo ay roobabkaasi khasaare gaadhsiiyeen xoolo badan oo ku dhintey ufadii roobabkaasi xoolahaas oo ubadan adhi .

Dhinaca kale maamulka Degmada Alleybadey ayaa Xukuumada iyo hay,adaha samafalka caalamiga ah ee somaliland ku sugan ka dalbadey gurmad degdeg ah.

Waa markii labaad ee roobabka Gugu khasaare soo gaadhsiiyaan baliyada biyaha ee Alleybadey oo ay ku tiirsan yihiin nolosha bulshada halkaa ku nool.


Gabileynews Desk
Alleybadey,SL