Waxa saaka xaflad balaadhan oo loogu tallo galay dhamaan dugsiyada Degmada Allaybaday lagu qabtay iskuulka H/Dhexe ee Sh. Axmed Qaalib xafladaasi oo ahayd  xafladii xidhintaanka sanad dugsiyeedka  2007-2008 taas oo si wayn ay uga soo qayb galeen marti sharaf ay ka mid ahaayeen Gudoomiyaha Degmada Allaybaday, Mudane Xasan Cabdi Cali,  Xoghayaha UHWA Mustafe Cabdi Cali iyo Gudoomiyaha UHWA Malaysiya, Axmed Ismail Geedi, Maamulayaasha dugsiyada magaalada Allaybaday, Waalidiin iyo Marti sharaf kale oo badan, hadaba ugu horayn waxa Xafladaasi lagu furay Aayado Quraan ah,intaasi kadib waxa iyana halkaasi ka hadlay laba arday oo ka mid ah ardayda iskuulka kuwaasi oo iyana ku qudbadeeyay English iyo Carabi qudbadoodaasi oo ku sahabsanayd faa’idada ay waxbarashadu leedahay.

 Waxaa halkaa Qudbadado dhaadheer ka jeediyay, Gudoomiya ururka wadaniga ah SOSAPO, Mr. Ahmed Muse Muxumed, 3 maamule ee dugsiyada magaalada ku yaala, Caaqilo, xubno ka socda wasaarada waxbarashada, wakiilada laamaha UHWA, Dadkaaso dhamaan ka hadlay faaidada waxbarashada iyo qiimaha ay u leedahay wadankeena.

Ugu danbayntii  waxa halkaasi ka hadlay Gudoomiyaha Degmada, Mr Xasan Cabdi Cali oo ugu horayn mahadnaq balaadhan  u soo jeediyay Ururka Waxbarashada Degmada Allaybaday iyo Wasaarada Waxbarashada wuxuuna ku bilaabay hadalkiisii sida tan wuxuuna sheegay inay Degmada ka hirgaleen mudadii uu xilka Gudoomiyenimo hayay 10 iskuul taasi oo ay hirgaliyeen UHWA iyo Wasaarada Waxbarashada JSL iyo Maamulka Degmada Allaybaday, waxa  kale oo Gudoomiyuhu usoo jeediyay Guddida Waalidiinta iyo Macalimiintaba in la iska kaashado siddii loo hurumarin lahaa waxbarashada

waxa kale oo isna ka hadlay Xafladaasi Gudoomiyaha Ururka SOSAPO  Axmed Muuse Muxumed oo tilmaamay faaiida waxbarada  waxa kale oo ka hadlay sida uu ururkoodu mar walba ulagarab taagan yihinn wixii taageera ah ee ay awoodaaan Waxa kale oo uu yidhi waxa aanu markasta ku dadaalaan in aanu kor u qaadno mooraalka ardayda ku hawlan halganka waxbarashada, waxa kale oo uu sheegay in ay ka qayb qaateen saddexdii sanad Dugsiyeed ee ugu danbeeyay  isaga oo yidhi waxaanu keenay Jaaisado aanu siinay ardaydii gashay kaalmaha hore sidda tan Maanta, ugu danbayntii waxa uu halkaasi ka balan qaaday in ay qabanayaan tartan ciyaareed taasi oo uu yidhi waxa aanu ugu talagalay in aanu dhalinyarta kaga jeedinay balwadaha xun  korna ugu qaadno tayadooda ciyaareed ayuu hadalkiisii kusoo koobay intaa Kadib waxay ururku ku wareejiyeen jaaisado ay ugu talo galeen ardayda ku guulaysatay kaalmaha hore Maamulayaasha Dugsiga H/Dhexe ee Sh. Axmed Qaalib, Dugsiga Sarre iyo Madarasada Allaybaday.

Intaasi kadib waxa kale oo ka hadlay Maamulaha Dugsiga Sh Axmed Qaalib Axmed Qani Sh Muxmed oo dardaaran usoo jeediyay ardayda mudda ay fasaxa ku jiraan waxa kale oo uu waalidiintana usoo jeediyay in ay ka war hayaan ardayda mudadaasi ay fasaxa ku jiraan, ugu danbayntii waxa uu Maamuluhu yidhi waa in aynu iska kaashanaa siddii aynu u dayactiri lahayn Dugsiga ayuu hadalkiisii ku soo koobay.

Intaa kadib waxa isna halkaasi ka hadlay Caaqil Maxamed AAMIN CIGAAL oo ka hadlay fursada ay haystaan da’a yarta maantu balse aanay iyagu wakhtigoodii helin fursadan qaaliga ah, oo ka mid tahay waxbarashada bilaashka ah iyo dhiiri galimaha kale ee had iyo jeer lala dultaagan yahay ardayda iyo macalimiintaba wuxuuna hadakiiisii ku soo gabgabeeyay oo uu kula dardaarmay waalidka  in ay ka faaiidaystaan jaaniskan qaaliga ah waxa kale ladardarmay  macalimiinta oo uu u sheegay in ay noqdaan qaar ay ardaydu kaga daydaan akhlaaqda suu ban.

Waxa isna halkaa ka hadlay Gudoomiyaha Gudida waalidiin iskuulada Allaybaday Maxamud Yususuf Cige oo halkaasi mahad naq balaadhan ugu soo  jeediyay ururka  UHWA oo uu ku amaanay sidda   xilkasnimada leh ee ay iskugu xilsaareen waxbarashada daá yartooda aanay taabo galiyeen hor umar balaadhan oo xaga waxbarashada ah sedexdii sano ee u danbeeyay. Wuxuu ugu danbayntii uu halkaasii kusoo koobay  hadal dardaarana ah oo uu usoo jeedayay Waalidiinta in ka war haqyaan ubadkooda waxaanu sheegay inay Aabayaashii  gaabiyeen ka war haynta Ubad kooda waxaanu ugu dambayntii dardaaran u soo jeediyay ardayda oo uu usheegay inay ka feejignaadaan balwadaha kuwaasi oo u horseeda mustaqbal xumada iyo guuldarada aanay ku daydaan ku waas maanta iyaga soo caawinaaya oo uu yidhi shalay ka maalin idinka ayay idinla mid ahaayeen oo halkaasi ayay wax ku baranayeen iyada oo aanay cidina caawinaynin siddiina ee dadaala ayaan idin leeyahay.

Waxa isna halkaasi ka hadalay Xoghayaha UHWA Mustafe Cabdi Oday oo aad ugu dheeraaday faa’idada waxbarasha isaga oo yidhi maanta meel ay Somaliland waxbarashadu bilaash tahay dugsi Hoose ilaa ku Sare majirto oo aan ahayn Degmada Allaybaday taasina waxa suuragaliyay ayuu yidhi UHWA oo xilwayn iska saartay siddii ay horumar ugaadhsiin lahaayeen Deegaanka siiba xaga waxbarashada markaasi waxa aan leeyahay arday iyo Waalidba ayaynaan dayicin fursadaasi ayuu hadalkiisii kusoo koobay,

Intaasi kadib waxa isna ka hadlay Gudoomiyaha UHWA Malaysia Axmed Ismaaciil waxaanu yidhi maanta farxad wayn bay ii tahay in aan ka qayb qaato xafladan lagu xidhaayo sanad Dugsiyeedka Dhamaan dugsiyada Degmada, waxa kale oo uu dardaaran usoo jeediyay ardaydii halkaasi isugu timid isaga oo ku dardaaray in ay ka faa’idaystaan wakhtiga ay haystaan

Sannada dugsiyadeedkii 2007/2008 waxaa Dugsiyada Degmada Allaybaday ka jiray:

• qiyaasii 2 000 arday oo ku jira dugsiyada Degmada, taas ay 750 gabdho yihiin.

• 13 dugsi oo ka furan dhamaan dhulweynaha Degmada ALLAYBADAY.

• 35 macalin ee dugsiyada wax ka dhigaa oo dhamaantood qurbo joogto mushaar joogta ah siiso bil walba.

• Dugsigii sarre oo la dhisay.

• 4 dugsi hoosaad oo dhismo cusub helay.

• Agabkii waxbarashada oo ay dhamaan dugsiyada Degmadu heleen.

• Cunto laga bixiyo dhamaan dugsiyada Degmada.

• 18 Jaaliyadoo oo qurbo jooga oo deeq joogta ah u soo dira dhamaan dugsiyada Degmada.

Sannad dugsiyadeeda 2009/2010 waxaa ka soo baxaayo dugsiga sarre Allaybaday ardii ugu horeysay, Suaasho waxay tahay halkeebay Ardaydaadiisa ka heli doonaa Jaamacad boarding ah ?

Wariyaha UHWA : ISMAIL ABDI MUXUMED (Hilqad)

DEGMADA ALLLAYBADAY , SOMALILAND

Telefon: + 2522357702 (Telecom, Allaybaday)

Email: hilqadm@hotmail.com

Website: http://www.allaybaday.com/