Waxaa shalay soo gabagababeeyay koobkii lagu xusaayay Mujaahid Axmed Xuseen Yuusuf(Golhaye)  oo in muddo ahba kasocday Degmada Allaybaday  kuna  loolamayeen Kooxaha heerka Labaad ee Degmada Allaybaday, Koobkaasi oo ay Faynalkii  isugu soo hadheen labada kooxood ee kala ah SABADO iyo kooxda ku ciyaarta Magaca D/HOOSE ee Degmada Allaybaday, labadan kooxood ayaa ahaa kuwo aan mara laga badin mudadii ay lasoo hirdamayeen kooxihii kale ee ay koobka kawada qayb qaadanayeen,

Hadaba labadan kooxood ee Faynalka isugu soo baxay ayaa ay dhexmartay ciyaar aad iyo aad u soo jiidatay daawadayaashii ciyaarta,raalina galisay.iyada oo guud ahaan dadwaynaha ciyaaraha xiiseeyaa  ay aad isugu soo diyaariyeen daawashada ciyaartan xiisaha leh  ee labadan kooxood ku hirdamayeen koobkan loogu magacday Muj. Golhaye(Alle ha u naxariistee). 

Ciyaartaasi labada kooxood dhexmartay ayaa  ku dhisnayd weerar iyo weerar celis, taasi oo ay ciyaartaygii labadaasi kooxood ay muujiyeen ciyaar wanaag ayna ku dadaalayeen siddii uu mid waliba u hanan lahaa koobkaasi,ayaa waxa ay qaybtii hore ee ciyaartu ku dhamaatay waxba iyada oo aan la iska dhalin, balse markii ay kooxkastaa lasoo tashatay Tababaraheedii, ee tababarayaasha kooxuhu ku soo kordhiyeen khibradoodii iyo waayo aragnimadoodii, ayaa ay ciyaartii ku bilaaban tahay dardar ay kooxwaliba garoonkii lasoo gashay balse ciyaartii waxa ay ku sii socotay goolal la’aan muddo taasi oo ay dadwaynihii daawanaayay ciyaartaasi ay ka bixinayeen faalooyin kala duwan oo ah cida ay filayaan in ay hanan doonto koobkan ay labadan kooxood ku dagaalamayaan,balse ciyaartowgii ku ciyaarayay Magaca D/Hoose ee Degmada Allaybaday  ayaa la yimid Gool iyada oo ay hadhsan tahay ciyaarii muddo 10 daqiiqo ah, taasi kooxdii kale ay samaysay dadaal dheeraad ah kuna dadaalayeen siddii ay Goolkaasi isaga soo badi lahaayeen, inkastoo uu dadaalkoodii ku dhamaaday in Gool labaad loogu biiriyo kii kore halkaasina ay rajadoodii kusoo gabagabawday ay ka qabeen hanashada koobka,,halkaasi  ay Kooxdii D/Hoose guushu ku raacday 2;0 sidaasina ay ugu guulaystay Kooxdii ku ciyaaraysay  NGO  Sabado.