Waxa maanta Allaybaday kulan ku yeeshay Guddida Gudaha iyo Guddi Cusub oo Allaybaday laga  Magacaabay Kulankaa oo ka dhacay Xafiiska Maamulka Degmada Allaybaday, guddidan cusub oo ka shaqayn doonta hawlaha waxbarashada ee Degmada Allaybaday, guddidan cusub oo lagu soo xulay Aqoon, firfircooni iyo waayo aragnimo ay  u leeyihiin hawlaha waxbarashada,

Hadaba kulankaasi ay yeesheen guddida gudaha iyo guddidan cusub ee laga sameeyay Allaybaday ayaa ahaa mid si fiican loogaga wada hadlay siddii loo dardar galin lahaa hawlaha waxbarashada  ee kasocda degmada. Kulankaasi waxa iyana joobjoog ka ahaa Gudoomiyaha Degmada iyo qurbo joogta reer Allaybaday ee sanadkan timid qaar ka mid ah.

Hadaba waxa ugu horayn kulankaasi ka hadlay Gudoomiye Axmed Cabdi Bakaal oo aad ugu dheeraaday hawlaha guddida cusub looga baahan yahay iyo sidda ay tahay in ay u shaqeeyaan, isaga oo yidhi waxa la idiinka baahan yahay in aad samaysaan kormeero ka badan kuwii aanu samayn jiray maadaama oo aad idinku joogtaan ayuu yidhi Xaruntii Degmada oo iskuulada qaar aad lugihiina ku tagi kartaan idinka oo aan baabuur u raacin, waxa kale oo uu yidhi waxa la idiinka baahan yahay in aad samaysaan warbixino farabadan(reports) taasi oo uu yidhi waxa ay wax wayn ka taraysaa hawlaha waxbarashada ee socda, waxa uu ugu danbaytii aad ugu dardaaray oo uu yidhi waxa la idiinka baahan yahay in aad ku dhaqantaan kuna shaqaysaan talaabooyinkii aanu ku shaqayn jirnay taasi oo uu yidhi waa in aad u gaadhsiisaan Macalimiinta sida ay tahay in loo gaadhsiiyo gunada marka ay idin soogaadho.

Waxa kale oo isna halkaasi ka hadlay Caafi Boon (C/qani john) oo kamid ah Qurba joogtii timid sanadka isaga oo aad uga waramay sidda ay   jaaliyaduhu marka kasta ugu heelan yihiin in ay deegaankoodu horumaray gaadho, isaga oo yidhi anaga qaar naga mid ahi arday ah ayaanu hadana ka fikirnaa in aanu ka qayb qaadano horumarka Degmada, markaasi guddidiina cusubna waxa la idiinka baahan yahay in aad kasoo baxdaan hawshaasi maanta la idiin doortay ayuu yidhi, isaga oo yidhi waxa aan ilaahay idiinka rajaynayaa in aad noqotaan guddi hawl kar ah oo kasoo baxda hawshaasi loo igmaday.

Waxa kale oo isna halkaasi ka hadlay Mawliid Aw Cabdi oo isna ah Qurba joogta sanadka timid, isla markaan aha Gudoomyaha UHWA Birmingham, waxa uu isna aad ula dardaarmay Guddidii cusbayd waxaanu ku dardaaray oo yidhi waa in aad noqotaan guddi firfircoon isaga oo yidhi waxa la idinku soo doortay waa hawlkarnimo iyo aqoon markaasi waxa la idiinka baahan yahay ayuu yidhi in aad noqotaan kuwo goor kasta ka war haya Iskuulkada oo kolba wixii jira waa in aad lasocotaan oo aad naga dhergisaan kolba sidda ay usocoto hawlaha waxbarashadu, Anagana ka qurba joog ahaan waxa nasaaran siddii aanay noogu habsaanteen gunada Macalimiintu, ugu danbayntii waxa uu yidhi sanadkan  sanadkiisa waxa aan inoo rajaynayaa horumar ka balaadhan kan maanta aynu gaadhnay.

Waxa kale oo iyana halkaasi ka hadlay xubno ka mid ah guddida gudaha iyo guddidii cusbaydba,

Ugu danbaytii waxa halkaasi isna ka hadlay Gudoomiyaha Degmada Xasan Shahar oo isna guddidaasi yidhi waxa la idiinka baahan yahay in aad ku dadaashaan siddii aad uga soo bixi lahaydeen  hawshaasi  la idiin doortay waxa kale oo uu yidhi ana ka Gudoomiye ahaan waxa aan balan qaadayaa ayuu yidhi in aan bixiyo kharashka kormeerada.

GUDDIDA CUSUB EE HOGAAMINAASA XAFIISKA ALLAYBAY, KORMEERKA, IYO MUSHAARADA DHAMAAN 12 DUGSI EE DEGMADA KU YAALA : 

Waxaan koobjooga ka ahaa Markii la samayn Gudiyada soo socda:

1.      Axmed cabdi Bakaal

2.      Ismaaciil cabdi yoonis

3.      Dayib Muxumed Odowaa

4.      Cabdillahi Muxumed Yuusuf( Isagu hawlbu yeeshay)