Ramadaan
Kariim dhamaan xubnaha ururka UHWA.
Waxa aanu maanta
kormeer ku tagnay dhamaan Dugsiyada Hoose iyo dhexe ee
degmada, kormeer kayagaasi oo aanu siddoo kale gunooyinkiina
kusoo bixinay, hadaba iskuulkasta waxa aanu kulan la yeelanay
Gudi hoosaadka, macalmiinta, iyo ardayda taasi oo aanu kala
hadlaynay siddii loo dardargalin lahaa waxbarashada Degmada
Allaybaday .
Hadaba haddii
aanu warbixin ka bixino iskuulada aanu maanta soo marnay sidda
ay xaaladooda waxbarasho ahayd, waxa runtii la odhan karaa wax
jira iskuulo ku talaabsaday ama kusocda xawli dheeraad ah
taasi oo aanu runtii aad ugu faraxnay iskuuladaa markii aanu
aragnay ee aanu waydiinay tirada ardayda ay hayaan iyo waliba
tirada kusoo korodhay sanad dugsiyeedkan cusub iskuuladaasi
sheegida mudan oo ka duwan iskuulada kale waxa ay kala yihiin
:
-
GEES DHEERE .
-
WAADI XOOR .
-
XIDHINTA
.
Balse
iskuuladaasi waxa ay u baahin yihiin dhisme yaal hano qoto
taandho ama dhisme caadiyaba e, waayo waxa aanu soo aragnay
arday bilaa kuraas ah ama dibadaba fadhisa siiba labada iskuul
ee Gees Dheere iyo Waadi xoor oo ay ardaydoodu imika tahayba
170 arday, xaga iskuulka Waadi xoor sanad dugsiyeedkan cusub
waxa la qaatay 70 arday oo ay Haayada NRC qaadatay iyo
ardaydii kale ee ulooyinka caadiga ahaa, hadaba labadaasi
iskuul waxa ay mudan yihiin amaan gaar ah Dugsiga Gees dheer
oo ay ardaydu ku badan tahay waxaa ka baabay Taandhadii oo
caruurtu waab yar aya hoos fadhinayaa, waxaanu rajanayn in
wiika dhexdiisa Taandho cusub loo helo.
Dhinaca kale labad dugsi ee
Har-Cadaad iyo Taysa, waxaanu dib ugu noqonaa 5 ka bacdi,
labadaa dugsi oo aan u shaqayn sidii loogu tallo galay. una
baahan in macalimiinta laga bedelo iyo ardayda oo la kordhiyo.
Warbixin buuxda ayaa idiinka soo diri doonaa.
Dhinaca kale
dhamaan iskuulada kale waxa aanu la soo balanay Maamulayaashii
taasi oo aanu nidhi 5 cisho dabadeed ayaanu soo noqonaynaaye
waxa aad noosiibalamisaan Guddiyadii Iskuulada waayo maanta
noomaysuuroobin in aanu la kulano Gudiyadaasi, iyada oo
lakulanka gudiyadaasi aanu kala hadli doono in aanu iska
kaashano siddii aanu usamayn lahayn wacyi galin balaadhan oo
ku sahabsan siddii caruurta xoolaha loo diraayo wax loo bari
lahaa hadaba haddii aleh yidhaahdo waxa aanu warbixin kasoo
qori doonaa wixii kasoo baxa kulanadaasi aanu layeelanayno
guddiyadaasi,iyada oo xaaladaha iskuulada kalena ay wacnayd
inkastoo ayna gaadhayn 3 iskuul ee aanu kor ku xusnay balse
aanu rajaynayno in aanu iyagana la tartansiin doono
iskuuladaasi kale anaga oo maantaba u sheegnay in la is
dhaafay oo ay fadhigan fadhi uga noqdaan. hadaba haddii aanu
isoo yara noqono xaga iskuulada Allaybaday aad ayay iyagu u
fiican yihiin maalin kastana waanu tagnaa oo talaabo talaabo
ayaanu xaaladooda ula soconaa markaa iyagu aad ayay u fiican
yihiin.
Codsi ku socda dhamaan 18 Jaaliyadood :
-
Baahi loo qabo Gudi Cusub : In
Gudi Cusub laga Sameeyo Hargeisa sida ugu dhakhso badan,
taas oo ay shaqadeeedu noqoto, hawlaha Haayadaha, Wasaarada,
isku xidhka Jaaliyada dibada iyo gudaha iyo Qadhaan ururin
laga bilaabo Hargeisa. Baahi weyn ayaa loo qabaa gudi Cusub
oo Hargeisa laga sameeyo, maadama ayna wax gudiyi Hargeisa
ka jirin hada, Waxaanu rajayn in dhamaan 18 Jaaliyadoo ay
isku yimaadaan oo ay soo magacaaba gudida cusub ee Hargeisa
xarunteedu ahaan doonto.
-
Wakhtiga Gunada : In Wakhtiga
Mushaaradu uuna ka danbayn
30. bisha
bil walba, Lacagta lanuu hagaajiyo Dahabshiil, Allaybaday.
